പട്ന : കേന്ദ്രമന്ത്രിയും ബീഹാറില് എന്ഡിഎ ഘടകകക്ഷിയായ എല്ജെപിയുടെ നേതാവുമായ ചിരാഗ് പസ്വാന് വിവാഹം കഴിക്കണമെന്ന ലാലുവിന്റെ മകന് തേജസ്വി യാദവിന്റെ ഉപദേശം തിരിച്ചടിച്ചു. ചിരാഗ് പസ്വാന് ബിജെപി നേതൃത്വത്തിലുള്ള എന്ഡിഎ മുന്നണിക്ക് ഉറച്ച പിന്തുണ പ്രഖ്യാപിച്ചതോടെയാണ് തേജസ്വി യാദവ് ചിരാഗ് പസ്വാനെ പരിഹസിക്കാന് മുതിര്ന്നത്. അതുവരെ ഒറ്റയ്ക്ക് മത്സരിക്കും എന്ന് പ്രഖ്യാപിച്ചപ്പോള് ചിരാഗ് പസ്വാനെ വരവേറ്റ നേതാവായിരുന്നു തേജസ്വി യാദവ്. എന്നാല് മോദി ബീഹാറില് സന്ദര്ശനം നടത്തിയതിന് പിന്നാലെ ചിരാഗ് പസ്വാന് എന്ഡിഎയെ പിന്തുണക്കുമെന്ന് ഉറച്ച പ്രഖ്യാപനം നടത്തുകയായിരുന്നു. അതോടെയാണ് 42 വയസ്സായിട്ടും അവിവാഹതിനായി തുടരുന്ന ചിരാഗ് പസ്വാനെ തേജസ്വി യാദവ് പരിഹസിക്കാന് ശ്രമിച്ചത്. പക്ഷെ ഈ ഉപദേശം തിരിച്ചടിക്കുകയായിരുന്നു.
42 വയസ്സാണ് ചിരാഗ് പസ്വാന്റെ പ്രായം വിവാഹം കഴിച്ചിട്ടില്ല. എന്നാല് ചിരാഗ് പസ്വാന്റെ പ്രായത്തേക്കാള് 13 വയസ്സ് പ്രായക്കൂടുതലുള്ള ഒരാളാണ് തന്റെ അടുത്ത് ഇരിക്കുന്നതെന്ന കാര്യം തേജസ്വി യാദവ് മറന്നുപോയി. തൊട്ടടുത്ത് ഇരിക്കുന്നത് വോട്ട് അധികാരയാത്ര നയിക്കുന്ന രാഹുല് ഗാന്ധിയാണ്. പ്രായം 55 ആണ്. ഇതുവരെ വിവാഹം കഴിച്ചിട്ടില്ല. ഈ വാര്ത്താസമ്മേളനത്തില് തന്നെ തേജസ്വി യാദവ് ചിരാഗ് പസ്വാന്റെ വിവാഹത്തെക്കുറിച്ച് സൂചിപ്പിച്ചപ്പോള് തന്നെ രാഹുല് ഗാന്ധിയും ‘ഞാനും വിവാഹം കഴിച്ചിട്ടില്ല’ എന്ന് തെല്ല് ചമ്മലോടെ പ്രതികരിച്ചിരുന്നു. എന്തായാലും ഇപ്പോള് രാഹുല് ഗാന്ധിയുടെ വിവാഹത്തെക്കുറിച്ചുള്ള പരിഹാസം സമൂഹമാധ്യമങ്ങളില് ഉയരുകയാണ്.
“ആദ്യം കൂടെയുള്ള 55 കാരനെ വിവാഹം കഴിപ്പിക്കാന് നോക്ക്…എന്നിട്ടാകാം 42 കാരന്റെവിവാഹത്തെക്കുറിച്ചുള്ള ഉപദേശം” – എന്ന് തുടങ്ങി നിരവധി പ്രതികരണങ്ങളാണ് സോഷ്യല് മീഡിയയില് ഉയരുന്നത്. ബീഹാറിലെ അരാരിയയില് വോട്ട് അധികാരയാത്രയുമായി ബന്ധപ്പെട്ട് എത്തിയപ്പോള് രാഹുല് ഗാന്ധിയും തേജസ്വി യാദവും സംയുക്തമായി നടത്തിയ വാര്ത്താസമ്മേളനത്തിലാണ് തേജസ്വി യാദവിന് നാക്ക് പിഴയുണ്ടായത്.
കല്യാണം കഴിച്ചോ അതോ ഇല്ലേ? ഇനിയും കൃത്യം ഉത്തരം തരാതെ കോണ്ഗ്രസ്
രാഹുല് ഗാന്ധി വിദേശത്ത് രണ്ട് വിവാഹം കഴിച്ചിട്ടുണ്ട് എന്നും അതില് മക്കള് ഉണ്ട് എന്നും ബ്ലിറ്റ്സ് പത്രം പ്രസിദ്ധീകരിച്ച വാര്ത്തയെ കോണ്ഗ്രസോ ഗാന്ധി കുടുംബമോ എതിര്ത്തിട്ടില്ല. എങ്കിലും ഇന്ത്യയില് രാഹുല് ഗാന്ധി അവിവാഹിതനാണെന്ന പ്രതിച്ഛായയാണ് നല്കാന് ശ്രമിക്കുന്നത്.
