പാലക്കാട് : ബി.ജെ.പി പാലക്കാട് ഈസ്റ്റ് ജില്ലാ പ്രസിഡന്റ് പ്രശാന്ത് ശിവനെ വധിക്കുമെന്ന് സാമൂഹ്യ മാധ്യമത്തിലൂടെ ഭീഷണിപ്പെടുത്തിയ യുവാവ് പിടിയില്. ഇന്സ്റ്റാഗ്രാമിലൂടെ വധഭീഷണി മുഴക്കിയ എന് ടി അസ്ലം(28) നെ ആണ് പാലക്കാട് സൈബര് പൊലീസ് അറസ്റ്റ് ചെയ്തത്.തൃശൂര് പാവറട്ടി സവ്ദേശിയാണ് ഇയാള്.
ഏപ്രിലിലാണ് യുവാവ് ബി.ജെ.പി പാലക്കാട് ഈസ്റ്റ് ജില്ലാ പ്രസിഡന്റിനെതിരെ വധഭീഷണി മുഴക്കിയത്. സംഭവത്തില് പാലക്കാട് സൈബര് പൊലീസ് കേസെടുത്തിരുന്നു.
തുടര്ന്ന് ഇന്സ്റ്റാഗ്രാം കേന്ദ്രീകരിച്ച് നടത്തിയ പരിശോധനയിലാണ് അസ്ലമിനെതിരെ തെളിവുകള് ലഭിച്ചത്.പാലക്കാട് ജില്ലാ പൊലീസ് മേധാവി അജിത് കുമാറിന്റെ നിര്ദ്ദേശാനുസരണം ഡി സി ആര് ബി ഡി വൈ എസ് പി എം പ്രസാദിന്റെ നേല്നോട്ടത്തിലായിരുന്നു അന്വേഷണം.
സൈബര് പൊലീസ് സ്റ്റേഷന് ഇന്സ്പെക്ടര് ശശി കുമാര് ടി, സബ് ഇന്സ്പെക്ടര് റനീഷ് വി, ഹവീല്ദാറായ പ്രസാദ്, സിവില് പൊലീസ് ഓഫീസര്മാരായ ശ്യാം പ്രവീണ് കെ, വിനോദ് ഇ കെ, മൊഹമ്മദ് ഫാസില് എ എന്നിവരുള്പ്പെട്ട സംഘമാണ് അന്വേഷണം നടത്തിയത്.
