കണ്ണൂര്‍: കെഎസ്ഇബി ജീവനക്കാരുടെ മനോവീര്യം തകര്‍ക്കുന്ന പ്രചാരവേലക്കെതിരെ സംഘടനാ വ്യത്യാസമില്ലാതെ ജീവനക്കാരും ഉദ്യോഗസ്ഥരും ഒന്നിച്ച് പൊതുജനങ്ങളെ നിജസ്ഥിതി ബോധ്യപ്പെടുത്തണമെന്ന് കെഎസ്ഇബി ഓഫീസേഴ്‌സ് സംഘ് സംസ്ഥാനസമ്മേളനം പ്രമേയത്തിലൂടെ ആവശ്യപ്പെട്ടു. ജീവനക്കാര്‍ക്ക് നേരെ വ്യാപകമായ അവഹേളനമാണ് നടത്തുന്നതെന്നും സമ്മേളനം കുറ്റപ്പെടുത്തി.
കണ്ണൂരില്‍ നടന്ന സമ്മേളനം ബിഎംഎസ് ദക്ഷിണ ക്ഷേത്രീയ സഹ സംഘടനാ സെക്രട്ടറി എം.പി. രാജീവന്‍ ഉദ്ഘാടനം ചെയ്തു. കെഎസ്ഇബിഒഎസ് സംസ്ഥാന പ്രസിഡന്റ് കെ.എസ്. കൃഷ്ണകുമാര്‍ അധ്യക്ഷത വഹിച്ചു. ആര്‍എസ്എസ് ഉത്തര കേരളം പ്രന്തീയ കാര്യകാര്യ സദസ്യന്‍ വത്സന്‍ തില്ലങ്കേരി മുഖ്യപ്രഭാഷണം നടത്തി. ഡെപ്യുട്ടി ജനറല്‍ സെക്രട്ടറി ടി. ഷാനവാസ്, ടി.എസ്. അരുണ്‍, ഗിരീഷ് കുളത്തൂര്‍, പി. കൃഷ്ണന്‍, യു.വി. സുമേഷ്, പി. ഗിരീഷ്‌കുമാര്‍, ടി. സരസ്വതി എന്നിവര്‍ സംസാരിച്ചു.
ഭാരവാഹികളായി കെ.എസ്. കൃഷ്ണകുമാര്‍ (പ്രസി.), ടി.എസ്. അരുണ്‍ (ജന.സെക്ര.), ടി. ഷാനവാസ് ( ഡപ്യൂട്ടി ജന. സെക്ര.) ഡി. രാധാകൃഷ്ണന്‍ നായര്‍, പി. ബിജു, പി.ഡി. ജ്യോതി, പി.വി. സത്യന്‍, എസ്. വിനോദ് കുമാര്‍ (വൈസ്.പ്രസി.), പി. അനില്‍ കുമാര്‍, പി.എസ്. സതീഷ്, ഒ.ടി. ബിജു, ആദര്‍ശ് മേനോന്‍, പി. ഗിരീഷ് കുമാര്‍ (സെക്ര.) ടി. സരസ്വതി (ട്രഷറര്‍) എന്നിവരെ തെരഞ്ഞെടുത്തു.
