കോഴിക്കോട് : മുക്കം ഇരുവഴിഞ്ഞി പുഴയിലെ പതങ്കയം വെള്ളച്ചാട്ടത്തില് വിദ്യാര്ത്ഥിയെ ഒഴുക്കില്പ്പെട്ട് കാണാതായി. മഞ്ചേരിയില് നിന്ന് എത്തിയ ആറംഗ സംഘത്തില് ഉള്പ്പെട്ട പ്ലസ് വണ് വിദ്യാര്ത്ഥി അലന് അഷ്റഫാണ് ഒഴുക്കില്പ്പെട്ടത്.
സുഹൃത്തുക്കള്ക്കൊപ്പം പുഴയില് കുളിക്കാനിറങ്ങിയതാണ് അലന്. ശക്തമായ ഒഴുക്കുള്ള പ്രദേശമാണ് പതങ്കയം.
മുക്കം അഗ്നിരക്ഷാസേനയും പൊലീസും നാട്ടുകാരും സംയുക്തമായി തെരച്ചില് നടത്തുകയാണ്. എന്നാല് ഒഴുക്ക് ശക്തമായതും പ്രതികൂല കാലാവസ്ഥയും തെരച്ചിലിന് തടസം സൃഷ്ട്ടിച്ചിട്ടുണ്ട്.
പ്രദേശത്ത് അപകടങ്ങള് പതിവായ സാഹചര്യത്തില് പുഴയില് ഇറങ്ങുന്നതിന് അധികൃതര് വിലക്കേര്പ്പെടുത്തിയിട്ടുണ്ട്. മുന്നറിയിപ്പുകള് അവഗണിച്ചാണ് പലരും പുഴയില് ഇറങ്ങുന്നത്.
