തിരുവനന്തപുരം: സംസ്ഥാനത്തെ ഐ.എ.എസ് തലപ്പത്ത് അഴിച്ചുപണി. പാലക്കാട് ജില്ലാ കളക്ടര് ജി പ്രിയങ്ക എറണാകുളം ജില്ലാ കളക്ടറാവും. ആരോഗ്യ കുടുംബ ക്ഷേമ വകുപ്പ് ഡപ്യൂട്ടി സെക്രട്ടറി എം എസ് മാധവിക്കുട്ടിയെ പാലക്കാട് ജില്ലാ കളക്ടറായും പഞ്ചായത്ത് ഡയറക്ടര് ഡോ. ദിനേശന് ചെറുവാട്ടിനെ ഇടുക്കി ജില്ലാ കളക്ടറായും കേരള ഹൗസ് അഡീഷണല് റസിഡന്റ് കമ്മീഷണറായ ചേതന് കുമാര് മീണയെ കോട്ടയം ജില്ലാ കളക്ടറായും നിയമിച്ചു. കോട്ടയം ജില്ലാ കളക്ടര് ജോണ് വി സാമുവലിനെ ജലഗതാഗത വകുപ്പ് ഡയറക്ടറാക്കി. എറണാകുളം ജില്ലാ കളക്ടര് എന് എസ് കെ ഉമേഷിനെ പൊതുവിദ്യാഭ്യാസ വകുപ്പ് ഡയറക്ടറാക്കി. ഇടുക്കി ജില്ലാ കളക്ടര് വി വിഗ്നേശ്വരിയെ കൃഷി വകുപ്പ് സെക്രട്ടറിയായി നിയമിച്ചു.
ദില്ലിയിലെ കേരള ഹൗസ് റസിഡന്റ് കമ്മീഷണര് പുനീത് കുമാറിനുണ്ടായിരുന്ന തദ്ദേശ സ്വയംഭരണ വകുപ്പ് അഡീഷണല് ചീഫ് സെക്രട്ടറി ചുമതല നീക്കി. ഡോ.കെ വാസുകിയെ പൊതു വിദ്യാഭ്യാസ വകുപ്പ് സെക്രട്ടറിയായി നിയമിച്ചു. തൊഴില് വകുപ്പ് സ്പെഷല് സെക്രട്ടറിയായി എസ് ഷാനവാസ് ചുമതലയേല്ക്കും.ന്യൂനപക്ഷ ക്ഷേമ വകുപ്പ് സ്പെഷ്യല് സെക്രട്ടറി അധിക ചുമതലയില് നിന്ന് അബ്ദുള് നാസര് ബിയെ ഒഴിവാക്കി. ആരോഗ്യ കുടുംബ ക്ഷേമ വകുപ്പ് അഡീഷണല് സെക്രട്ടറിയായി ഷീബ ജോര്ജിനെ നിയമിച്ചു.
പൊതു വിദ്യാഭ്യാസ വകുപ്പ് അഡീഷണല് സെക്രട്ടറിയായി ഡോ. എസ് ചിത്രയെ നിയമിച്ചു.
എ ഗീത റവന്യൂ വകുപ്പ് അഡീഷണല് സെക്രട്ടറിയായി ചുമതലയേല്ക്കും.
ജെറോമിക് ജോര്ജിനെ തദ്ദേശ സ്വയംഭരണ വകുപ്പ് പ്രിന്സിപ്പല് ഡയറക്ടറായി നിയമിച്ചു.
രജിസ്ട്രേഷന് വകുപ്പ് ഐജി ശ്രീധന്യ സുരേഷിനെ ടൂറിസം വകുപ്പ് അഡീഷണല് ഡയറക്ടറായി നിയമിച്ചു.
എം എസ് മാധവിക്കുട്ടി പാലക്കാട്ട്, ജി പ്രിയങ്ക എറണാകുളത്ത്, കോട്ടയം, ഇടുക്കി ജില്ലകള്ക്കും പുതിയ കളക്ടര്മാര്
madhavikutty,priyanka
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.