കേന്ദ്രസര്ക്കാര് ആഭിമുഖ്യത്തിലുള്ള കല്പിത സര്വ്വകലാശാലയായ കൊല്ക്കത്ത സത്യജിത് റേ ഫിലിം ആന്റ് ടെലിവിഷന് ഇന്സ്റ്റിറ്റ്യൂട്ടില് താഴെ പറയുന്ന കോഴ്സുകളില് പ്രവേശനത്തിന് ഓണ്ലൈനില് ജൂലൈ 31 വരെ അപേക്ഷ സ്വീകരിക്കും.
ഫിലിം വിങ്: മാസ്റ്റര് ഓഫ് ഫൈന് ആര്ട്സ് (എംഎഫ്എ) സിനിമ- സ്പെഷ്യലൈസേഷനുകള്- അനിമേഷന് സിനിമ, സിനിമോട്ടോഗ്രാഫി, ഡയറക്ഷന് ആന്റ് സ്ക്രീന് പ്ലൈ റൈറ്റിങ്, ഫിലിം എഡിറ്റിങ്, പ്രൊഡ്യൂസിങ് ഫോര് ഫിലിം ആന്റ് ടെലിവിഷന്, സൗണ്ട് റെക്കോഡിങ് ആന്റ് ഡിസൈന്. ഓരോ സ്പെഷ്യലൈസേഷനിലും 12 സീറ്റുകള് വീതമുണ്ട്. ഒരുവര്ഷത്തെ ബ്രിഡ്ജ് പ്രോഗ്രാം ഉള്പ്പെടെ 3 വര്ഷമാണ് കോഴ്സ് കാലാവധി.
ഇലക്ട്രോണിക് ആന്റ് ഡിജിറ്റല് മീഡിയ (ഇഡിഎം) വിങ്: എംഎഫ്എ- ഇഡിഎം, സ്പെഷ്യലൈസേഷനുകള്- സിനിമോട്ടോഗ്രാഫി, ഡയറക്ഷന് ആന്റ് പ്രൊഡ്യൂസിങ്, എഡിറ്റിങ്, മാനേജ്മെന്റ്, സൗണ്ട്, റൈറ്റിങ്; കോഴ്സ് കാലാവധി 2 വര്ഷം. ഓരോ സ്പെഷ്യലൈസേഷനും 7 സീറ്റുകള് വീതമുണ്ട്.
പ്രവേശന യോഗ്യത: ഏതെങ്കിലും ഡിസിപ്ലിനില് അംഗീകൃത സര്വ്വകലാശാലാ ബിരുദം. അനിമേഷന് സിനിമ സ്പെഷ്യലൈസേഷന് ഡ്രോയിങ് പ്രാവീണ്യംകൂടിയുണ്ടായിരിക്കണം.
സത്യജിത് റേ ഫിലിം ആന്റ് ടെലിവിഷന് ഇന്സ്റ്റിറ്റ്യൂട്ട് ദേശീയതലത്തില് തിരുവനന്തപുരം, ചെന്നൈ, ബെംഗളൂരു, ഹൈദ്രാബാദ് മുതലായ 16 സെന്ററുകളിലായി നടത്തുന്ന പ്രിലിമിനറി, ഫൈനല് സെലക്ഷന് ടെസ്റ്റിലൂടെയാണ് തെരഞ്ഞെടുപ്പ്. പ്രവേശന നടപടികളും അപേക്ഷിക്കേണ്ട രീതിയും സംവരണവുമടങ്ങിയ പ്രോസ്പെക്ടസ് www.srfti.ac.in ല് ലഭിക്കും.
അഡ്മിഷന് ലഭിക്കുന്നവര് സെമസ്റ്റര് ട്യൂഷന് ഫീസ് 45582 രൂപ, അഡ്മിഷന് ഫീസ് 8089 രൂപ, സെക്യൂരിറ്റി ഡെപ്പോസിറ്റ് 67655 രൂപ, ഹോസ്റ്റല് 1472 ഡിപ്പോസിറ്റ് 8824 , സെമെസ്റ്ററ് ഹോസ്റ്റല് ഫീസ് 238967 രൂപ എന്നിങ്ങനെ നല്കണം. കൂടുതല് വിവരങ്ങള്ക്കും അപ്ഡേറ്റുകള്ക്കും വെബ്സൈറ്റ് സന്ദര്ശിക്കേണ്ടതാണ്.
