കൊല്ലം: ശ്രീനാരായണ ഓപ്പണ് സര്വകലാശാലയില് പഠിച്ച വിദ്യാര്ത്ഥികളുടെ തുടര് പഠന അപേക്ഷകള് കേരള സര്വകലാശാല നിരസിച്ചതായി പരാതി. നിരവധി വിദ്യാര്ഥികളുടെ ഭാവി പ്രതിസന്ധിയിലാണെന്ന് ചൂണ്ടിക്കാട്ടി ശ്രീനാരായണ സര്വകലാശാല വൈസ് ചാന്സലര് കേരള സര്വകലാശാല വൈസ് ചാന്സലര്ക്ക് കത്തയച്ചു.
നിരവധി വിദ്യാര്ഥികളാണ് പ്രവേശനം നിഷേധിക്കപ്പെട്ടതില് പ്രയാസം അനുഭവിക്കുന്നത്.ഓപ്പണ് സര്വ്വകലാശാലയില് ബിരുദവും ബിരുദാനന്തര ബിരുദവും പാസായ നിരവധി വിദ്യാര്ത്ഥികളെയാണ് കേരള സര്വകലാശാല അകറ്റി നിര്ത്തിയിരിക്കുന്നത്. സംസ്ഥാനത്തെ മറ്റ് സര്വകലാശാലകള് അംഗീകരിക്കുന്നുണ്ടെങ്കിലും കേരള സര്വകലാശാല മാത്രം ഓപ്പണ് സര്വകലാശാല ബിരുദം അംഗീകരിക്കാത്ത നിലയാണ്.
ഓപ്പണ് സര്വകലാശാലയില് പഠിച്ച് ഉപരിപഠനത്തിനുള്ള 10 ഓളം അപേക്ഷകളാണ് നിലവില് കേരള സര്വകലാശാലയിലുളളത്.
