പത്തനംതിട്ട : കോയിപ്പുറം നെല്ലിക്കലില് പുഞ്ചപാടത്ത് കാണാതായ ഒരാളുടെ മൃതദേഹം കൂടി കണ്ടെത്തി.അഗ്നിരക്ഷാ സേന നടത്തിയ പരിശോധനയിലാണ് ദേവ് ശങ്കറിന്റെ മൃതദേഹം കണ്ടെത്തിയത്.
കഴിഞ്ഞ രാത്രിയാണ് കോയിപ്പുറം നെല്ലിക്കലില് പുഞ്ചപാടത്ത് മീന് പിടിക്കാന് ഇറങ്ങിയ മൂന്ന് യുവാക്കള് പുഞ്ചപ്പാടത്ത് വീണത്. രാത്രി അഗ്നിരക്ഷാ സേന നടത്തിയ പരിശോധനയില് നാല്ലിക്കല് സ്വദേശി മിഥുന്, കിടങ്ങന്നൂര് സ്വദേശി രാഹുല് എന്നിവരുടെ മൃതദേഹങ്ങള് കണ്ടെത്തി.
തിങ്കളാഴ്ച ഉച്ചയോടെയാണ് മൂന്നാമന് ദേവി ശങ്കരന്റെ മൃതദേഹം കണ്ടെടുത്തത്.പോസ്റ്റ്മോര്ട്ടം ഉള്പ്പെടെയുള്ള നടപടികള് പൂര്ത്തിയാക്കി മൃതശരീരങ്ങള് ബന്ധുക്കള്ക്ക് വിട്ടു നല്കും.
