തിരുവനന്തപുരം : സംസ്ഥാനതല ഓണാഘോഷ പരിപാടികള് സെപ്തംബര് മൂന്നു മുതല് 9 വരെ സംഘടിപ്പിക്കാന് തീരുമാനം. സെപ്തംബര് 9ന് ഘോഷയാത്രയോടെ തിരുവനന്തപുരത്ത് സമാപിക്കും. ജില്ലാതലത്തില് ഡിടിപിസിയുടെ നേതൃത്വത്തില് ഓണാഘോഷ പരിപാടികള് സംഘടിപ്പിക്കും. ഓണാഘോഷ നടത്തിപ്പുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തിലാണ് തീരുമാനം.
തിരുവനന്തപുരം കവടിയാര് മുതല് മണക്കാട് വരെയുള്ള പ്രദേശം ഉത്സവ മേഖലയായി പ്രഖ്യാപിക്കും. വൈദ്യുത ദീപാലങ്കാരം മെച്ചപ്പെട്ട രീതിയില് നടത്തും. ഹരിത ചട്ടം പാലിച്ചുകൊണ്ട് ഹരിത ഓണം എന്ന നിലയിലാവും പരിപാടികള് നടത്തുക.
കുടുംബശ്രീയുടെ നേതൃത്വത്തില് ജില്ലാ, സിഡിഎസ് , എ.ഡി. എസ് തലങ്ങളില് ഓണം മേളകള് സംഘടിപ്പിക്കും. കുടുംബശ്രീ മുഖേന പച്ചക്കറിയും പൂ കൃഷിയും നടത്തിയിട്ടുണ്ട്. അതിന്റെ വിളവെടുപ്പ് ഓണത്തിന് മുമ്പ് നടത്തും.
ഓണത്തിന് ആവശ്യമായ എല്ലാ വിഭവങ്ങളും അടങ്ങുന്ന കിറ്റ് നേരിട്ടും ഓണ്ലൈനായും ലഭ്യമാക്കാനും തീരുമാനിച്ചിട്ടുണ്ട്. സപ്ലൈകോ ഓണച്ചന്തകള് ജില്ലാ , താലൂക്ക്, മണ്ഡലം കേന്ദ്രങ്ങളിലും തുടങ്ങും.
സാംസ്കാരിക മേഖലയിലെ സ്ഥാപനങ്ങള് മുഖേന കള്ച്ചറല് പ്രോഗ്രാമുകളും ഫിഷറീസ് മേഖലയില് വള്ളങ്ങള് ഉള്പ്പെടുത്തി ആളുകളെ ആകര്ഷിക്കുന്ന പരിപാടികളും നടത്തുന്ന കാര്യം ആലോചിക്കും.
കണ്സ്യൂമര്ഫെഡ് വഴിയും പ്രാഥമിക സഹകരണ സംഘങ്ങള് വഴിയും പച്ചക്കറിയും നിത്യോപയോഗ സാധനങ്ങളും വിതരണം നടത്തുന്നതിന് തുടക്കം കുറിച്ചിട്ടുണ്ട്. കൂടുതല് പ്രാഥമിക സംഘങ്ങള് പച്ചക്കറി കൃഷി ചെയ്ത് ഓണം വിപണിയിലേക്ക് കൊണ്ടുവരികയാണ്.
ഹോര്ട്ടി കോര്പ്പിന്റെ പച്ചക്കറി ചന്തകളും കൃഷി വകുപ്പിന്റെ മറ്റ് സംവിധാനങ്ങളും സജീവമാക്കി കൂടുതല് ഇനങ്ങള് ചന്തയില് എത്തിക്കും.
യോഗത്തില് മന്ത്രിമാരായ പി.എ മുഹമ്മദ് റിയാസ്, വി എന് വാസവന്, സജി ചെറിയാന്, ജെ ചിഞ്ചുറാണി, ജി ആര് അനില്, എം ബി രാജേഷ്, വി ശിവന്കുട്ടി പി പ്രസാദ്, ചീഫ് സെക്രട്ടറി ഡോ എ ജയതിലക് തുടങ്ങിയവര് സംസാരിച്ചു.
തിരുവനന്തപുരം : സംസ്ഥാനതല ഓണാഘോഷ പരിപാടികള് സെപ്തംബര് മൂന്നു മുതല് 9 വരെ സംഘടിപ്പിക്കാന് തീരുമാനം. സെപ്തംബര് 9ന് ഘോഷയാത്രയോടെ തിരുവനന്തപുരത്ത് സമാപിക്കും. ജില്ലാതലത്തില് ഡിടിപിസിയുടെ നേതൃത്വത്തില് ഓണാഘോഷ പരിപാടികള് സംഘടിപ്പിക്കും. ഓണാഘോഷ നടത്തിപ്പുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തിലാണ് തീരുമാനം.
തിരുവനന്തപുരം കവടിയാര് മുതല് മണക്കാട് വരെയുള്ള പ്രദേശം ഉത്സവ മേഖലയായി പ്രഖ്യാപിക്കും. വൈദ്യുത ദീപാലങ്കാരം മെച്ചപ്പെട്ട രീതിയില് നടത്തും. ഹരിത ചട്ടം പാലിച്ചുകൊണ്ട് ഹരിത ഓണം എന്ന നിലയിലാവും പരിപാടികള് നടത്തുക.
കുടുംബശ്രീയുടെ നേതൃത്വത്തില് ജില്ലാ, സിഡിഎസ് , എ.ഡി. എസ് തലങ്ങളില് ഓണം മേളകള് സംഘടിപ്പിക്കും. കുടുംബശ്രീ മുഖേന പച്ചക്കറിയും പൂ കൃഷിയും നടത്തിയിട്ടുണ്ട്. അതിന്റെ വിളവെടുപ്പ് ഓണത്തിന് മുമ്പ് നടത്തും.
ഓണത്തിന് ആവശ്യമായ എല്ലാ വിഭവങ്ങളും അടങ്ങുന്ന കിറ്റ് നേരിട്ടും ഓണ്ലൈനായും ലഭ്യമാക്കാനും തീരുമാനിച്ചിട്ടുണ്ട്. സപ്ലൈകോ ഓണച്ചന്തകള് ജില്ലാ , താലൂക്ക്, മണ്ഡലം കേന്ദ്രങ്ങളിലും തുടങ്ങും.
സാംസ്കാരിക മേഖലയിലെ സ്ഥാപനങ്ങള് മുഖേന കള്ച്ചറല് പ്രോഗ്രാമുകളും ഫിഷറീസ് മേഖലയില് വള്ളങ്ങള് ഉള്പ്പെടുത്തി ആളുകളെ ആകര്ഷിക്കുന്ന പരിപാടികളും നടത്തുന്ന കാര്യം ആലോചിക്കും.
കണ്സ്യൂമര്ഫെഡ് വഴിയും പ്രാഥമിക സഹകരണ സംഘങ്ങള് വഴിയും പച്ചക്കറിയും നിത്യോപയോഗ സാധനങ്ങളും വിതരണം നടത്തുന്നതിന് തുടക്കം കുറിച്ചിട്ടുണ്ട്. കൂടുതല് പ്രാഥമിക സംഘങ്ങള് പച്ചക്കറി കൃഷി ചെയ്ത് ഓണം വിപണിയിലേക്ക് കൊണ്ടുവരികയാണ്.
ഹോര്ട്ടി കോര്പ്പിന്റെ പച്ചക്കറി ചന്തകളും കൃഷി വകുപ്പിന്റെ മറ്റ് സംവിധാനങ്ങളും സജീവമാക്കി കൂടുതല് ഇനങ്ങള് ചന്തയില് എത്തിക്കും.
യോഗത്തില് മന്ത്രിമാരായ പി.എ മുഹമ്മദ് റിയാസ്, വി എന് വാസവന്, സജി ചെറിയാന്, ജെ ചിഞ്ചുറാണി, ജി ആര് അനില്, എം ബി രാജേഷ്, വി ശിവന്കുട്ടി പി പ്രസാദ്, ചീഫ് സെക്രട്ടറി ഡോ എ ജയതിലക് തുടങ്ങിയവര് സംസാരിച്ചു.
