കണ്ണൂര്: രാജ്യത്തെ സഹകരണ വിദ്യാഭ്യാസ രീതിയില് വലിയ മാറ്റത്തിനു കാരണമായേക്കാവുന്ന പദ്ധതിയായ സഹകരണ സര്വകലാശാലയുടെ ആസ്ഥാനത്തിന് തറക്കല്ലിടല് കര്മ്മം കേന്ദ്ര സഹകരണമന്ത്രി അമിത് ഷാ നിര്വഹിച്ചു. അന്താരാഷ്ട്ര സഹകരണ ദിനത്തോടനുബന്ധിച്ച് നടന്ന പദ്ധതി യുവതലമുറയ്ക്ക് സഹകരണ വിദ്യാഭ്യാസത്തിനുള്ള വലിയ സാധ്യതകളാണ് തുറന്നു തരുന്നത്.
സഹകരണ മേഖലയെ കൂടുതല് പ്രൊഫഷണവല്കരിക്കാനും സഹകരണ തൊഴില് സാധ്യതകള് വര്ദ്ധിപ്പിക്കാനും സര്വകലാശാല വരുന്നതോടെ സാധിക്കും. കേരളമടക്കമുള്ള വിവിധ സംസ്ഥാനങ്ങളിലെ ശക്തമായ സഹകരണ അടിത്തറയ്ക്ക് പ്രധാന കാരണങ്ങളിലൊന്ന് സഹകരണ മേഖലയോടുള്ള പ്രൊഫഷണല് സമീപനമാണ് എന്ന തിരിച്ചറിവില്കൂടിയാണ് സഹകരണ വിദ്യാഭ്യാസം പ്രോത്സാഹിപ്പിക്കേണ്ടതിന്റെ ആവശ്യകത അധികൃതര് മനസിലാക്കിയിരിക്കുന്നത്.
സഹകരണം പ്രധാന വിഷയമായി ഒട്ടേറെ കോഴ്സുകള് തിരഞ്ഞെടുക്കാനുള്ള അവസരങ്ങളാണ് വിദ്യാര്ത്ഥികള്ക്ക് കൈവന്നിരിക്കുന്നത്. ഗുജറാത്തിലെ ആനന്ദ് ആസ്ഥാനമായി പ്രവര്ത്തിക്കുന്ന ഇന്സ്റ്റിറ്റ്യൂട്ട് ഓഫ് റൂറല് മാനേജ്മെന്റ് ആനന്ദിനെയാണ് പുതിയ സഹകരണ സര്വകലാശാലയായി മാറ്റുന്നത്. ഏകീകൃതമായ സഹകരണ വിദ്യാഭ്യാസരീതി യുവജനങ്ങള്ക്ക് ദേശീയതലത്തില് പ്രവര്ത്തിക്കുന്ന ഒട്ടേറെ സഹകരണ പ്രസ്ഥാനങ്ങളില് തൊഴില് ലഭിക്കാനുള്ള അവസരങ്ങള് തുറന്നിടുകയാണ്. ബിരുദ തലത്തിലും ബിരുദാനന്തര തലത്തിലുമായി സഹകരണം ഐശ്ചികമായി ഒട്ടേറെ കോഴ്സുകള് ആണ് പ്രസ്തുത യൂണിവേഴ്സിറ്റിക്ക് കീഴില് ആരംഭിക്കുന്നത്.
പ്രധാന കോഴ്സുകള് 1. എംബിഎ (കോപ്പറേറ്റീവ് മനേജ്മെന്റ്) 2. എംബിഎ (അഗ്രി ബിസിനസ്സ് മാനേജ്മെന്റ്) 3. എംബിഎ (കോപ്പറേറ്റീവ് ബാങ്കിംഗ് ആന്ഡ് ഫിസാന്സ്) 4. ബിബിഎ (കോപ്പറേറ്റീവ് മാ നേജ്മെന്റ്) 5. ബിബിഎ (അഗ്രി ബിസിനസ്സ് മാനേജ്മെന്റ്) 6. ബിബിഎ (കോപ്പറേറ്റീവ് ബാങ്കിംഗ് & ഫിസാന്സ്) 7. ബികോം (കോപ്പറേഷന്). കൂടാതെ വ്യത്യസ്ത പിജി ഡിപ്ലോമ കോഴ്സുകളും ഗവേഷണ കോഴ്സുകളും ആദ്യ വര്ഷത്തില് തന്നെ ആരംഭിക്കാനുള്ള തയ്യാറെടുപ്പുകള് നടന്നുവരുന്നു. കൂടുതല് വിവരങ്ങള് www.irma.ac.in എന്ന വെബ്സൈറ്റ് മുഖേന അറിയാവുന്നതാണ്.
