തിരുവനന്തപുരം: മാറില്ലെന്ന് കരുതിയതെല്ലാം മാറിയിട്ടുണ്ട്. കേരളവും മാറും. നമ്മള് മാറ്റും. മാറാത്തത് ഇനി മാറും. ഈ മാറ്റം നമ്മളിലൂടെ, ബിജെപിയിലൂടെ മാത്രമേ സാധ്യമാകൂ എന്ന സന്ദേശം നല്കി പുത്തരിക്കണ്ടത്ത് നടന്ന ബിജെപി ബൂത്ത്തല സമിതിയുടെ സമ്മേളനം. ഭാരതമാതാവിന് ജയ്വിളിച്ചും കേരളഭരണം പിടിക്കാനും വികസിതകേരള സൃഷ്ടിക്കുമുള്ള ലക്ഷ്യം മനസില്ക്കുറിച്ച് നടന്ന സമ്മേളനം പുത്തരിക്കണ്ടത്തെ ആവേശക്കടലാക്കി.
കുങ്കുമ ഹരിത പതാക പിടിച്ചും, ഷാള് അണിഞ്ഞും, ബിജെപി ചിഹ്നംപതിച്ച തൊപ്പികള് ധരിച്ചും ആവേശത്തിരയിളകിയതുപോലെയായിരുന്നു പുത്തരിക്കണ്ടത്തെ പുരുഷാരം. ഉച്ചയോടെ പുത്തരിക്കണ്ടം മൈതാനത്ത് കാത്തുനിന്ന പ്രവര്ത്തകരുടെ ഇടയിലേക്ക് സമ്മേളനം ഉദ്ഘാടനം ചെയ്യാന് കേന്ദ്ര ആഭ്യന്തരമന്ത്രി അമിത് ഷാ വന്നിറങ്ങിയപ്പോള് വാനോളം ആവേശം. അമിത് ഷാ വാഹനത്തില് നിന്നറങ്ങിയതോടെ ബിജെപി പ്രവര്ത്തകര് മുദ്രവാക്യങ്ങളുടെയും കരഘോഷങ്ങളുടെയും പ്രകമ്പനം സൃഷ്ടിച്ചു. വേദിയിലേക്ക് കയറിയ അമിത് ഷാ പ്രവര്ത്തകരെ കൈവീശി അഭിവാദ്യം ചെയ്തു. കാല് ലക്ഷത്തോളം പ്രവര്ത്തകരാണ് അമിത് ഷായുടെ വാക്കുകള് ശ്രവിക്കാനായി മൈതാനത്ത് എത്തിയിരുന്നത്. അമിത് ഷാ എത്തിയതോടെ പുത്തരിക്കണ്ടം മൈതാനം ആവേശക്കടലായി മാറി.
ഹസ്തദാനം ചെയ്യുന്നു
പ്രതിമയ്ക്കുമുന്നില് അമിത്ഷാ വണങ്ങുന്നു
