ചെറായി: വഖഫ് ഭീകരതയ്ക്കെതിരേ ജനരോഷമുയര്ന്ന മുനമ്പത്ത് തയ്യില് ഫിലിപ്പിന്റെ വീട്ടില് ഹരിത കുങ്കുമ പതാക പാറുന്നു. മുനമ്പത്ത് ബിജെപി ഓഫീസിനു വീടു വിട്ടുകൊടുത്തത് പള്ളിപ്പുറം ഗ്രാമപഞ്ചായത്തിലെ ഫിലിപ്പ് ജോസഫ്. ഒന്നാം വാര്ഡിലെ 16 സെന്റിലെ വീടാണ് കൊടുത്തത്. വീടും ഭൂമിയും സംരക്ഷിക്കുന്നതിനു വഖഫ് നിയമത്തിനെതിരേ സമരത്തിറങ്ങിയപ്പോള് ഒപ്പം നിന്നത് ബിജെപി മാത്രമാണെന്നും അതിന്റെ നന്ദിയാണ് തീരുമാനമെന്നും പ്രവാസിയായ ഫിലിപ്പ് പറയുന്നു.
കേന്ദ്ര സര്ക്കാര് വഖഫ് നിയമം കൊണ്ടുവന്നതു ഫിലിപ്പില് വലിയ സ്വാധീനമുണ്ടാക്കി. വഖഫ് നിയമം പൂര്ണമായും മുനമ്പം ജനങ്ങള്ക്ക് വിജയമായില്ലെങ്കിലും അത്തരം നടപടിക്കുള്ള ബിജെപി സര്ക്കാര് താത്പര്യത്തെ കാണാതിരിക്കാനായില്ലെന്ന് ഫിലിപ്പ് പറയുന്നു.
കുവൈറ്റ് പ്രതിരോധ, പ്രധാനമന്ത്രി ഓഫീസുകളില് 24 വര്ഷമായി ഫിലിപ്പ് ജോലി ചെയ്യുന്നു. ഫ്രാന്സിസ് മാര്പാപ്പയുടെ ഔദ്യോഗിക ക്ഷണ പ്രകാരം കുവൈറ്റില് നിന്നു പ്രത്യേക ക്ഷണിതാവായി രണ്ടു പ്രാവശ്യം വത്തിക്കാനിലെത്തിയ ഫിലിപ്പിന് മെഡല് നല്കി മാര്പാപ്പ ആദരിച്ചിരുന്നു. ഭാര്യ സന്ധ്യ, മക്കള് ജോണ്, ജെയ്ന് മേരി എന്നിവരുടെ പിന്തുണ ഫിലിപ്പിനുണ്ട്.
ജന്മഭൂമി ഓണ്ലൈന്