കോട്ടയം : ചെങ്ങന്നൂരിനും മാവേലിക്കരക്കും ഇടയില് ട്രാക്കില് മരം വീണതിനെ തുടര്ന്ന് മധ്യകേരളത്തില് ട്രെയിന് ഗതാഗതം തടസപ്പെട്ടു. വൈദ്യുതിലൈന് തകരാറിലായി.തിരുവനന്തപുരത്ത് നിന്ന് കോട്ടയം ഭാഗത്തേക്ക് പോകുന്ന ട്രാക്കില് മാത്രമാണ് നിലവില് പ്രശ്നം . പ്രദേശത്ത് പല ട്രെയിനുകളും പിടിച്ചിട്ടു. വൈദ്യുതി ലൈനിലെ തകരാര് പരിഹരിക്കാന് ശ്രമം നടക്കുന്നു.
നാഗര്കോവില്-കോട്ടയം എക്സ്പ്രസ്, തിരുവനന്തപുരം നോര്ത്ത്-യശ്വന്ത്പൂര് എക്സ്പ്രസ്, തിരുവനന്തപുരം-ചെന്നൈ സെന്ട്രല് സൂപ്പര്ഫാസ്റ്റ് എക്സ്പ്രസ്, തിരുവനന്തപുരം- എറണാകുളം ജംഗ്ഷന് എക്സ്പ്രസ്, തിരുവനന്തപുരം നോര്ത്ത്- മംഗളൂരു ജംഗ്ഷന് എക്സ്പ്രസ് എന്നീ ട്രെയിനുകള് വൈകുമെന്ന് റെയില്വേ അറിയിച്ചു
വൈകിട്ട് 6.50ഓടെയാണ് ട്രാക്കില് മരം വീണ് വൈദ്യുതിലൈനില് തകരാറുണ്ടായത്. എറണാകുളത്ത് നിന്ന് തിരുവനന്തപുരത്തേക്ക് പോകുന്ന ട്രാക്കില് പ്രശ്നങ്ങളില്ല.
