തിരുവനന്തപുരം :നിലമ്പൂര് എംഎല്എയായി ആര്യാടന് ഷൗക്കത്ത് സത്യപ്രതിജ്ഞ ചെയ്തു.നിയമസഭയില് ശങ്കര നാരായണന് തമ്പി ഹാളില് ആയിരുന്നു സത്യപ്രതിജ്ഞ ചടങ്ങ്.
ദൈവ നാമത്തിലാണ് ആര്യാടന് ഷൗക്കത്തിന്റെ സത്യപ്രതിജ്ഞ.നിയമസഭ സെക്രട്ടറിയാണ് സത്യവാചകം ചൊല്ലി കൊടുത്തത്. മുഖ്യമന്ത്രി പിണറായി വിജയന്, സ്പീക്കര് എ എന് ഷംസീര്, മന്ത്രിമാരായ എംബി രാജേഷ്, കെ രാജന് പ്രതിപക്ഷ നേതാവ് വിഡി സതീശന് തുടങ്ങിയവര് സത്യപ്രതിജ്ഞ ചടങ്ങില് പങ്കെടുത്തു.
ഉപതെരഞ്ഞെടുപ്പില് 11,077 വോട്ടുകള്ക്ക് വിജയിച്ചാണ് യുഡിഎഫ് നിലമ്പൂര് മണ്ഡലം തിരിച്ചുപിടിച്ചത്. 2016നുശേഷം ആദ്യമായാണ് മണ്ഡലത്തില് യുഡിഎഫ് വിജയിക്കുന്നത്. രണ്ടാം പിണറായി സര്ക്കാരില് ഇതാദ്യായാണ് ഒരു സിറ്റിംഗ് സീറ്റ് എല്ഡിഎഫ് കൈവിടുന്നത്.
