ഡമാസ്കസ് : സിറിയയിലെ ഡമാസ്കസിനടുത്തുള്ള ദുല എന്ന സ്ഥലത്തുള്ള സെന്റ് ഏലിയാസ് എന്ന ക്രിസ്ത്യന് പള്ളിയില് ഞായറാഴ്ച ദിവ്യബലി നടന്നുകൊണ്ടിരിക്കുന്നതിനിടയില് ഉഗ്രസ്ഫോടനം നടത്തി ഇസ്ലാമിക് സ്റ്റേറ്റ് ഭീകരന്.
. കുര്ബ്ബാന നടക്കുന്നതിനിടയില് ഒരു ഇസ്ലാമിക് സ്റ്റേറ്റിന്റെ ചാവേര് വന്ന് പൊട്ടിത്തെറിക്കുകയായിരുന്നു. ഇതില് 25 ക്രിസ്ത്യന് വിശ്വാസികള് കൊല്ലപ്പെട്ടു. വിശുദ്ധകുര്ബാന സ്വീകരിച്ചുകൊണ്ടിരുന്ന 25 വിശ്വാസികളാണ് കൊല്ലപ്പെട്ടത്.
കേരളത്തിലെ മിക്ക മലയാള പത്രങ്ങളും ടിവി മാധ്യമങ്ങളും പക്ഷെ ഈ വാര്ത്ത മുക്കി. ഇത്രയും വലിയ സ്ഫോടനമായിട്ടും എന്തുകൊണ്ടാണ് ഇത് റിപ്പോര്ട്ട് ചെയ്യാത്തത് എന്നതില് മാധ്യമവിദഗ്ധരില് ഒരു വിഭാഗം അത്ഭുതപ്പെട്ടിരുന്നു.ക്രിസ്ത്യന് വിശ്വാസികളെ ഇസ്ലാമിക ഭീകരവാദികള് കൊല്ലുന്നത് എന്തുകൊണ്ട് വാര്ത്തയാകുന്നില്ലെന്ന ചോദ്യമാണ് ഉയരുന്നത്.
സകലമാന ഇസ്ലാമിക ഭീകരസംഘടനകളെയും കൂട്ടുപിടിച്ച് സൃഷ്ടിച്ച ആഭ്യന്തരകലാപത്തിനൊടുവിലാണ് സിറിയയുടെ ബാഷര് അല് അസ്സാദ് എന്ന ഭരണാധികാരി അധികാരം വിട്ടൊഴിഞ്ഞത്. അതിന് ശേഷം ഇപ്പോള് സിറിയയുടെ ഭരണം ഏല്പിച്ചിരിക്കുന്ന പ്രസിഡന്റ് അഹമ്മദ് അല് ഷരാ മുന്പ് ഇസ്ലാമിക് സ്റ്റേറ്റ് ഗ്രൂപ്പിന്റെ നേതാവായിരുന്നു.
ഉടനെ കുറ്റവാളികളെ കണ്ടെത്തുമെന്ന് പ്രഖ്യാപിച്ച സിറിയന് പ്രസിഡന്റ് അഹമ്മദ് അല് ഷരാ വലിയ തോതില് അന്വേഷണം നടത്തുന്നുണ്ട്. ഇസ്ലാമിക് സ്റ്റേറ്റ് ഗ്രൂപ്പായ ഡെയിഷ് ഗ്രൂപ്പുകളെ കര്ശനമായി നിരീക്ഷിച്ച് വരുന്നുണ്ട്. പള്ളിയില് നിന്നും കുറച്ചകലെയായി ഒരു മോട്ടോര്സൈക്കിളും സ്ഫോടനത്തിനുപയോഗിച്ച ഉപകരണവും കണ്ടെടുത്തിട്ടുണ്ട്. ആരും സ്ഫോടനത്തിന്റെ ഉത്തരവാദിത്വങ്ങള് ഏറ്റെടുത്തിട്ടില്ലെങ്കിലും പിന്നില് ഏതെങ്കിലും ഒരു ഇസ്ലാമിക് സ്റ്റേറ്റ് സംഘടനയായിരിക്കാം എന്ന് കരുതപ്പെടുന്നു.
