താഷ് കെന്‍റ്: ഉസ്ബെക്കിസ്ഥാനിലെ താഷ്കെന്‍റില്‍ നടത്തുന്ന ഊസ് ചെസില്‍ രണ്ടാം റൗണ്ടില്‍ ഷംസിദ്ദീന്‍ വോക്കിഡൊവിനെ തോല്‍പിച്ചതോടെ റാങ്കിങ്ങില്‍ ഗുകേഷിനെ പിന്തള്ളി പ്രജ്ഞാനന്ദ.
ആഗോള ചെസ് ഫെഡറേഷനായ ഫിഡെയുടെ ലൈവ് റാങ്കിങ്ങില്‍ പ്രജ്ഞാനന്ദ ഏഴാം റാങ്കില്‍ നിന്നും അഞ്ചാം റാങ്കിലേക്ക് ഉയര്‍ന്നു. അദ്ദേഹത്തിന്റെ ഇഎല്‍ഒ റേറ്റിംഗ് 2777 ആയി ഉയര്‍ന്നു. ഗുകേഷിന്റെ റാങ്കിങ്ങ് 2776 ആണ്.
ആദ്യ റൗണ്ടില്‍ സമനിലയില്‍ ഒതുങ്ങേണ്ടി വന്ന പ്രജ്ഞാനന്ദ രണ്ടാം റൗണ്ടില്‍ വിജയത്തോടെ ഉയരുകയായിരുന്നു. ഇതോടെ രണ്ട് മത്സരങ്ങളില്‍ നിന്നായി ഒന്നര പോയിന്‍റ് നേടിയ പ്രജ്ഞാനന്ദ മറ്റൊരു ഇന്ത്യന്‍ താരം അര്‍ജുന്‍ എരിഗെയ്സിക്കൊപ്പം ഒന്നാം സ്ഥാനത്ത് നില്‍ക്കുകയാണ്.
രണ്ടാം റൗണ്ടില്‍ ഉസ്ബെക്കിസ്ഥാന്റെ തന്നെ ഷംസിദ്ദീന്‍ വോക്കിഡൊവിനെതിരെ ഇംഗ്ലീഷ് ഓപ്പണിംഗിലാണ് പ്രജ്ഞാനന്ദ കളി തുടങ്ങിയത്. പക്ഷെ കുതിരയെ (നൈറ്റ്) ബലികൊടുത്ത് മുന്നേറുന്നതിന് പകരം മറ്റൊരു വഴിയാണ് ഷംസിദ്ദീന്‍ വോക്കിഡോവ് തെരഞ്ഞെടുത്തത്. അത് അബദ്ധവുമായി. അരവിന്ദ് ചിതംബരം യാക്കുബോവിനെതിരെ തോല്‍വി ഏറ്റുവാങ്ങി.
പ്രജ്ഞാനന്ദ, അര്‍ജുന്‍ എരിഗെയ്സി, ജവോഖിര്‍ സിന്ദരോവ്, നോഡിര്‍ബെക് അബ്ദുസത്തൊറോവ് എന്നിവര്‍ ഒന്നര പോയിന്‍റ് വീതം നേടി മുന്നില്‍ നില്‍ക്കുകയാണ്.
പ്രതികരിക്കാൻ ഇവിടെ എഴുതുക