ഹെസ്ബുള്ളയുടെ റോക്കറ്റ് ആക്രമണത്തിന്റെ ചുമതലയുള്ള കമാന്ഡറായ യസ്സിന് ഇസ ദിന് ഇസ്രയേലിന്റെ ആക്രമണത്തില് കൊല്ലപ്പെട്ടു. ലെബനനിലെ ലിതാനി റിവര് സെക്ഷനിലാണ് ഈ റോക്കറ്റ് ആക്രമണത്തിനുള്ള യൂണിറ്റ് പ്രവര്ത്തിച്ചിരുന്നത്.
ഇറാനുമായി യുദ്ധം നടക്കുന്നതിനിടയില് ലെബനോനില് നിന്നുള്ള റോക്കറ്റ് ആക്രമണം തടയുകയായിരുന്നു ഇസ്രയേലിന്റെ ലക്ഷ്യം. നേരത്തെ ഹെസ് ബുള്ളയും ഇസ്രയേലും തമ്മിലുള്ള യുദ്ധത്തില് വടക്കന് ഇസ്രയേലില് നിരന്തരമായി റോക്കറ്റ് അയച്ചിരുന്ന നേതാവായിരുന്നു യസ്സിന് ഇസ ദിന്. ഹെസ്ബുള്ളയുടെ ആയുധശേഖരത്തിന് ശക്തികൂട്ടാനുള്ള ശ്രമത്തില് വ്യാപൃതനായിരുന്നു യസ്സിന് ഇസ ദിന്.
ഇസ്രയേലും ലെബനനും തമ്മിലുണ്ടായിരുന്ന ധാരണകള് തെറ്റിച്ചതിന്റെ പേരിലായിരുന്നു ഈ ആക്രമണമെന്നും ഇസ്രയേല് വിശദീകരിച്ചു.
