ആലപ്പുഴ : പന്നിക്കെണിയില്പ്പെട്ട് കര്ഷകന് മരിച്ചതില് പ്രതിഷേധിച്ച് താമരക്കുളം പഞ്ചായത്തില് ബുധനാഴ്ച ബിജെപി ഹര്ത്താല്. രാവിലെ ആറു മണി മുതല് വൈകിട്ട് ആറ് വരെയാണ് ഹര്ത്താല്. പഞ്ചായത്തിന്റെ അനാസ്ഥയില് പ്രതിഷേധിച്ചാണ് ഹര്ത്താലിന് ബിജെപി ആഹ്വാനം ചെയ്തത്. മരിച്ച കര്ഷകന് ശിവന്കുട്ടി കെ പിള്ളയുടെ സംസ്കാരം ബുധനാഴ്ച നടക്കും.
കഴിഞ്ഞ ദിവസം രാവിലെ സ്വന്തം കൃഷിയിടത്തിലേക്ക് പോകവെയാണ് മറ്റൊരാളുടെ കൃഷിയിടത്തില് സ്ഥാപിച്ച പന്നിക്കെണിയില് നിന്ന് ശിവന്കുട്ടി പിള്ളക്ക് വൈദ്യുതാഘാതമേറ്റത്. ഫോണില് വിളിച്ചിട്ട് ശിവന്കുട്ടി പിള്ളയെ ലഭിക്കാതായതോടെ വീട്ടുകാര് അന്വേഷിച്ചിറങ്ങിയപ്പോള് കൃഷിയിടത്തില് അബോധാവസ്ഥയില് കിടക്കുന്നതാണ് കണ്ടത്. നാട്ടുകാരുടെ സഹായത്തോടെ ആശുപത്രിയില് എത്തിച്ചെങ്കിലും അപ്പോഴേക്കും ജീവന് നഷ്ടപ്പെട്ടിരുന്നു. സംഭവത്തില് പൊലീസ് കേസെടുത്തു.
ശിവന്കുട്ടി കെ പിള്ളയുടെ മരണത്തിനിടയാക്കിയ വൈദ്യുത പന്നിക്കെണി വെച്ച ജോണ്സണ് നൂറനാട് പൊലീസ് കസ്റ്റഡിയിലാണ്. ജോണ്സണിനെതിരെ നരഹത്യാകുറ്റം ചുമത്തി.
