അഹമ്മദാബാദ്: വിമാനാപകടത്തെക്കുറിച്ച് അന്വേഷിക്കാന്‍ സഹായിക്കാന്‍ ഇന്ത്യയിലേക്ക് വിദഗ്ധ സംഘത്തെ അയക്കുമെന്ന് ബ്രിട്ടന്‍. വിമാനാപകടങ്ങളെ കുറിച്ച് അന്വേഷിക്കുകയും പഠിക്കുകയും ചെയ്യുന്ന ബ്രിട്ടണിലെ എയര്‍ ആക്സിഡന്റ്‌സ് ഇന്‍വെസ്റ്റിഗേഷന്‍ ബ്രാഞ്ച് (എഎഐബി) ആണ് ഇക്കാര്യം അറിയിച്ചത്.
ഇന്ത്യയിലെ എയര്‍ക്രാഫ്റ്റ് ആക്സിഡന്റ് ഇന്‍വെസ്റ്റിഗേഷന്‍ ബ്യൂറോയ്‌ക്ക് സഹായം വാഗ്ദാനം ചെയ്തതായി എഎഐബി അറിയിച്ചു. വിമാനത്തില്‍ നിരവധി യുകെ പൗരന്മാരും ഉണ്ടായിരുന്നു.
ജീവനക്കാര്‍ ഉള്‍പ്പടെ 242 ആളുകളുമായി പറന്നുയര്‍ന്ന് സെക്കന്റുകള്‍ക്കുള്ളിലാണ് എയര്‍ഇന്ത്യ വിമാനം തകര്‍ന്നത്. 169 ഇന്ത്യക്കാരും 53 ബ്രിട്ടീഷുകാരും ഒരു കനേഡിയന്‍ പൗരനും ഏഴ് പോര്‍ച്ചുഗീസ് പൗരന്മാരുമാണ് വിമാനത്തിലുണ്ടായിരുന്നത്. ഇതിന് പുറമെ 12 ജീവനക്കാരും ഉണ്ടായിരുന്നു.
പ്രതികരിക്കാൻ ഇവിടെ എഴുതുക: