തിരുവനന്തപുരം: തിരുവനന്തപുരത്ത് മെട്രോ റെയിലിന് സമിതി. അലൈന്‍മെന്റ് ചര്‍ച്ച ചെയ്യാന്‍ ചീഫ് സെക്രട്ടറിയുടെ നേതൃത്വത്തില്‍ സമിതി രൂപീകരിക്കും. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനമായത്.
സമിതി ബന്ധപ്പെട്ട കാര്യങ്ങള്‍ പരിശോധിച്ച് നിര്‍ദ്ദേശം സമര്‍പ്പിക്കുും. റവന്യൂ, ധനകാര്യം, തദ്ദേശസ്വയംഭരണം, ട്രാന്‍സ്‌പോര്‍ട്ട് വകുപ്പ് സെക്രട്ടറിമാര്‍ അടങ്ങുന്ന സമിതിയാകും രൂപീകരിക്കുക.
അതേസമയം തിരുവനന്തപുരം മെട്രോ പദ്ധതി ചര്‍ച്ചചെയ്യുന്നതിനായി മുഖ്യമന്ത്രിയുടെ നേതൃത്വത്തില്‍ ഓണ്‍ലൈനായി യോഗം ചേര്‍ന്നതായി ശശി തരൂര്‍ എംപി. ക്രിയാത്മക യോഗമായിരുന്നുവെന്നും അദ്ദേഹം ഫേസ്ബുക്കില്‍ കുറിച്ചു.
മെട്രോപദ്ധതിയുടെ രൂപരേഖയും തരൂര്‍ ഫേസ്ബുക്കില്‍ പങ്കുവെച്ചു.ശരിയായ സമീപനത്തിലൂടെ, തിരുവനന്തപുരത്തെ 21-ാം നൂറ്റാണ്ടിന് അനുയോജ്യമായ ഒരു തലസ്ഥാന നഗരമാക്കി മാറ്റാന്‍ കഴിയുമെന്ന് ഉറപ്പുണ്ടെന്നും തരൂര്‍ പറഞ്ഞു.
പ്രതികരിക്കാൻ ഇവിടെ എഴുതുക