പത്തനംതിട്ട: കുട്ടികളുമായി സഞ്ചരിക്കവെ സ്കൂള് ബസിന്റെ ടയര് ഊരി പോയി. കോന്നി ഈട്ടിമൂട്ടില്പ്പടിയിലാണ് സംഭവം.
മൈലപ്ര എസ് എച്ച് ഹയര് സെക്കന്ഡറി സ്കൂള് ബസിന്റെ ടയറാണ് ഊരിത്തെറിച്ചത്. ഉരുണ്ട് പോയ ടയര് സമീപത്ത് പാര്ക്ക് ചെയ്ത കാറില് ഇടിച്ചു. അപകട സമയം വാഹനത്തില് ഉണ്ടായിരുന്നത് മൂന്ന് കുട്ടികളാണ്. ആര്ക്കും പരിക്കേറ്റിട്ടില്ല.
സ്കൂള് തുറന്നിട്ട് ദിവസങ്ങളേ ആയിട്ടുള്ളൂ.. മോട്ടോര് വാഹന വകുപ്പ് എല്ലാ സ്കൂള് വാഹനങ്ങളും പരിശോധിച്ചിട്ടും അപകടം സംഭവിച്ചത് രക്ഷിതാക്കളില് ആശങ്ക സൃഷ്ടിച്ചിട്ടുണ്ട്.
