യുഎസിൽ കാർഷിക ഭീകരത പടർത്താനൊരുങ്ങി ചൈന : രണ്ട് പേർ അറസ്റ്റിൽ , യുഎസിൽ ചൈന നാശം വിതയ്‌ക്കാൻ പോകുന്ന ഫംഗസിനെക്കുറിച്ച് അറിയാം

ഫ്ലോറിഡ : ലോകമെമ്പാടും കൊറോണ വൈറസ് പടർത്തിയ ചൈന ഇപ്പോൾ വീണ്ടും ജൈവായുധങ്ങൾ നിർമ്മിക്കുന്നതിന്റെ തിരക്കിലാണ്. ചൈനയുടെ ഈ ഭയാനകമായ ഗൂഢാലോചന യുഎസ് കോടതിയിൽ ആണ് വെളിപ്പെട്ടിരിക്കുന്നത്. കാർഷിക മേഖലയ്‌ക്ക് നാശം വിതയ്‌ക്കുന്ന ‘ഫ്യൂസേറിയം ഗ്രാമിനാരം’ എന്ന ഫംഗസ് കടത്തിയ രണ്ട് ചൈനീസ് പൗരന്മാരെ അമേരിക്കയിൽ അറസ്റ്റ് ചെയ്തു.

യുഎസ് ഇന്റലിജൻസ് ഏജൻസിയായ എഫ്ബിഐ ആണ് ചൈനീസ് പൗരന്മാരായ 33 കാരനായ യുങ്കിംഗ് ജിയാനും 34 കാരനായ ജുൻയോങ് ലിയുവുവെയും അറസ്റ്റ് ചെയ്തത്. ഇരുവർക്കുമെതിരെ യുഎസിൽ നിരവധി ഗുരുതരമായ കുറ്റങ്ങൾ ചുമത്തിയിട്ടുണ്ട്.

‘ഫ്യൂസേറിയം ഗ്രാമിനേരം’ എന്ന് പേരിട്ടിരിക്കുന്ന ഈ ഫംഗസ് ഒരു ജൈവായുധമായി ചൈനയിൽ നിന്നാണ് അമേരിക്കയിലേക്ക് കൊണ്ടുവന്നത്. ഈ ഫംഗസ് വിളകളെ നശിപ്പിക്കുക മാത്രമല്ല, മനുഷ്യരെയും മൃഗങ്ങളെയും രോഗികളാക്കുകയും ചെയ്യുന്നുവെന്ന് അമേരിക്ക പറയുന്നു. അമേരിക്കൻ ശാസ്ത്രജ്ഞർ ഇതിനെ ‘കാർഷിക ഭീകരത’ യുടെആയുധം എന്നാണ് വിളിച്ചിരിക്കുന്നത്.

എന്താണ് ഫംഗസ് ചെയ്യുന്നത് ?

ചൈനയിൽ നിന്ന് യുഎസിലേക്ക് കടത്തുന്ന ‘ഫ്യൂസേറിയം ഗ്രാമിനാരം’ എന്ന ഫംഗസ് ഗോതമ്പ്, അരി, ചോളം, ബാർലി തുടങ്ങിയ വിളകളെ നശിപ്പിക്കുന്നു എന്നതാണ്. എഫ്ബിഐ ഡയറക്ടർ കാഷ് പട്ടേൽ തന്നെ ഇതിനെക്കുറിച്ച് വിവരങ്ങൾ നൽകിയിട്ടുണ്ട്.

ചൈനീസ് സർക്കാരിൽ നിന്ന് ലഭിച്ച ഫണ്ട് 

ഈ ഫംഗസിൽ പ്രവർത്തിക്കാൻ യുൻകിംഗ്, ജിയാൻ എന്നിവർ ചൈനീസ് സർക്കാരിൽ നിന്ന് ധനസഹായം സ്വീകരിച്ചതായി യുഎസ് അവകാശപ്പെട്ടു. യുൻകിംഗ്, ചൈനീസ് കമ്മ്യൂണിസ്റ്റ് പാർട്ടി (സിസിപി) അംഗമാണെന്നും യു എസ് വെളിപ്പെടുത്തി. യുൻകിംഗിന്റെ കാമുകൻ ജുൻയോങ് ലിയുവും ഇതേ ഫംഗസിനെക്കുറിച്ച് ഒരു ചൈനീസ് സർവകലാശാലയിൽ ഗവേഷണം നടത്തുന്നുണ്ട്. ഈ ഫംഗസ് താൻ യുഎസിലേക്ക് കടത്തിയതായി ലിയു സമ്മതിച്ചിട്ടുണ്ട്.

എന്താണ് കാർഷിക ഭീകരത?

കൃഷി സംബന്ധിയായ വ്യവസായങ്ങൾ, ഭക്ഷ്യ വിതരണം എന്നിവയെ ബാധിക്കാൻ ജൈവശാസ്ത്രപരമോ രാസപരമോ ആയ വസ്തുക്കൾ ആയുധങ്ങളായി ഉപയോഗിക്കുമ്പോൾ അതിനെ കാർഷിക ഭീകരത എന്ന് വിളിക്കുന്നു. ഒരു രാജ്യത്ത് ഭക്ഷ്യ പ്രതിസന്ധി സൃഷ്ടിക്കുന്നതിനായി ജൈവശാസ്ത്രപരമോ രാസപരമോ ആയ ആയുധങ്ങൾ ഉപയോഗിച്ച് ആ രാജ്യത്തിന്റെ വിളകൾ മനഃപൂർവ്വം നശിപ്പിക്കുന്നതാണ് കാർഷിക ഭീകരത. കാർഷിക ഭീകരതയിൽ, വിളകൾക്ക് മാത്രമല്ല, വളർത്തുമൃഗങ്ങൾക്കും കേടുപാടുകൾ സംഭവിക്കുന്നു.

ഫ്യൂസേറിയം ഗ്രാമിനാരം ഫംഗസ് എന്താണെന്ന് അറിയുക 

ഫ്യൂസാറിയം ഗ്രാമിനാരം ഒരു സാധാരണ ഫംഗസ് അല്ല. ശാസ്ത്രജ്ഞർ ഇതിനെ കാർഷിക ഭീകരതയുടെ സാധ്യതയുള്ള ആയുധമായി കണക്കാക്കുന്നു. ഇത് വിളകളിൽ ‘ഹെഡ് ബ്ലൈറ്റ്’ എന്ന രോഗം പരത്തുന്നു, ഇത് വിളകളെ നശിപ്പിക്കുന്നു. എല്ലാ വർഷവും ഈ ഫംഗസ് ലോകമെമ്പാടും കോടിക്കണക്കിന് ഡോളറിന്റെ നഷ്ടം വരുത്തുന്നു. ഇത് ഉത്പാദിപ്പിക്കുന്ന വിഷവസ്തുക്കൾ മനുഷ്യർക്കും മൃഗങ്ങൾക്കും മാരകമായേക്കാം. ഫ്യൂസാറിയം ഗ്രാമിനാരം വളരെ അപകടകരമാണ്. ഇത് മനുഷ്യരുടെ കരളിനെ തകരാറിലാക്കുകയും പ്രസവ ഘട്ടങ്ങളിൽ പ്രശ്നങ്ങൾ ഉണ്ടാക്കുകയും ചെയ്യും.