കടപ്പ: 500 രൂപ നോട്ടുകള്‍ പിന്‍വലിച്ച് ഡിജിറ്റല്‍ കറന്‍സി അവതരിപ്പിക്കണമെന്ന് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു കേന്ദ്ര സര്‍ക്കാരിനോട് ആവശ്യപ്പെട്ടു. ആന്ധ്രാപ്രദേശിലെ കടപ്പയില്‍ തെലുങ്കുദേശം സമ്മേളനത്തിലാണ് അദ്ദേഹം ഇക്കാര്യം പറഞ്ഞത്.
ഡിജിറ്റല്‍ കറന്‍സിയെക്കുറിച്ച് താന്‍ പ്രധാനമന്ത്രിക്ക് ഒരു റിപ്പോര്‍ട്ട് സമര്‍പ്പിച്ചിരുന്നുവെന്നും അതില്‍ 500, 1000, 2000 രൂപ നോട്ടുകള്‍ നിര്‍ത്തലാക്കണമെന്ന് അഭ്യര്‍ത്ഥിച്ചുവെന്നും അദ്ദേഹം അറിയിച്ചു. ഡിജിറ്റല്‍ കറന്‍സി അവതരിപ്പിക്കുന്നത് കള്ളപ്പണം ഇല്ലാതാക്കാന്‍ സഹായിക്കും. ഈ നീക്കം രാഷ്‌ട്രീയ പാര്‍ട്ടികള്‍ക്കും ഗുണം ചെയ്യും. ഉയര്‍ന്ന മൂല്യമുള്ള കറന്‍സി നോട്ടുകള്‍ പ്രചാരത്തില്‍ നിന്ന് നീക്കം ചെയ്യുന്നത് നിരവധി നേട്ടങ്ങളുണ്ടാക്കും.
തെലുങ്കുദേശം എപ്പോഴും സംശുദ്ധമായ രാഷ്‌ട്രീയമാണ് ഇഷ്ടപ്പെടുന്നത്. കള്ളപ്പണം ഒരിക്കലും തങ്ങള്‍ ഉപയോഗിച്ചിട്ടില്ല. അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: