ഹിന്ദുമതത്തിൽ, ശക്തി, ബുദ്ധി, ഭക്തി എന്നിവയുടെ പ്രതീകമായാണ് ആഞ്ജനേയനെ ആരാധിക്കുന്നത്. അഞ്ച് വ്യത്യസ്ത മുഖങ്ങളുള്ള ഹനുമാന്റെ ഒരു രൂപമായ ആഞ്ജനേയ സ്വാമിയുടെ ഒരു രൂപമാണ് പഞ്ചമുഖി ഹനുമാൻ. രാവണന്റെ സഹോദരനായ മഹിരാവണനെ വധിക്കുന്നതിന് വേണ്ടിയാണ് ഹനുമാൻ സ്വാമി ഈ രൂപം സ്വീകരിച്ചത് എന്നാണ് വിശ്വാസം. പഞ്ചമുഖി ഹനുമാന്റെ 5 മുഖങ്ങൾക്ക് 5 വ്യത്യസ്ഥമായ പ്രതയേകതകളാണ് ഉള്ളത്.
ഹനുമാൻ, നരസിംഹം, വരാഹം, ഹയഗ്രീവൻ, ഗരുഡൻ എന്നിവയാണ് ഈ അഞ്ച് മുഖങ്ങൾ. ഓരോ മുഖവും വ്യത്യസ്ത സ്വഭാവങ്ങളെ പ്രതിനിധീകരിക്കുന്നു.കിഴക്കോട്ട് അഭിമുഖമായി നിൽക്കുന്ന ഹനുമാൻ നമ്മുടെ മനസ്സിന് വിശുദ്ധിയും, നീതിയും, ധർമ്മവും നൽകുന്നു. തെക്കോട്ട് ദർശനമുള്ള നരസിംഹം ജീവിതത്തിൽ നിർഭയത്വവും, ജീവിത്തിൽ വിജയം നേടാനുളള കരുത്തും, ബുദ്ധിയും, മനശക്തിയും നൽകുന്നു. വടക്ക് ദർശനമുള്ള വരാഹരൂപം ജീവിതത്തിൽ ഐശ്വര്യവും സമ്പത്തും വർഷിക്കുന്നു. ആകാശത്തെ അഭിമുഖീകരിക്കുന്ന ഹയഗ്രീവമുഖം നമുക്ക് നല്ല അറിവ്, സ്വഭാവം, ദമ്പതികൾക്കാണെങ്കിൽ നല്ല ബുദ്ധിയും ആരോഗ്യവും ഉള്ള കുട്ടികൾ എന്നിവയ്ക്കായി അനുഗ്രഹം നൽകുന്നു.
നരസിംഹം ധൈര്യത്തെയും വീര്യത്തെയും പ്രതീകപ്പെടുത്തുന്നു, വരാഹം ധൈര്യത്തെയും പ്രതീകപ്പെടുത്തുന്നു, ഹയഗ്രീവൻ അറിവിനെയും പഠനത്തെയും പ്രതീകപ്പെടുത്തുന്നു. ഗരുഡൻ എട്ട് ഗുണങ്ങൾ പ്രദാനം ചെയ്യുന്നുവെന്ന് പറയപ്പെടുന്നു.
അഞ്ച് മുഖങ്ങളുള്ള ആഞ്ജനേയനെ ആരാധിക്കുന്നത് ബുദ്ധിശക്തി, ശക്തി, ധൈര്യം, മനോബലം എന്നിവ വർദ്ധിപ്പിക്കുമെന്ന് വിശ്വസിക്കപ്പെടുന്നു. അഞ്ച് മുഖങ്ങളുള്ള ഹനുമാന്റെ ചിത്രമോ വിഗ്രഹമോ വീട്ടിൽ സൂക്ഷിക്കുന്നത് ഭാഗ്യം കൊണ്ടുവരുമെന്ന് വിശ്വസിക്കപ്പെടുന്നു.
