മലപ്പുറം: നിലമ്പൂര്‍ ഉപതെരഞ്ഞെടുപ്പില്‍ മത്സരിക്കാനുളള നീക്കത്തില്‍ നിന്ന് പിന്മാറി കേരള വ്യാപാരി വ്യവസായി ഏകോപന സമിതി. യുഡിഎഫ്-എല്‍ഡിഎഫ് നേതാക്കളുമായി നടത്തിയ ചര്‍ച്ചയുടെ പശ്ചാത്തലത്തിലാണ് അവസാന നിമിഷത്തെ പിന്മാറ്റം. മലപ്പുറം ജില്ലാ പ്രസിഡന്റ് കുഞ്ഞാവു ഹാജിയെ സ്ഥാനാര്‍ത്ഥിയാക്കാന്‍ ആയിരുന്നു നിശ്ചയിച്ചിരുന്നത്.
നാളെ നാമനിര്‍ദ്ദേശപത്രിക സമര്‍പ്പിക്കാന്‍ ഇരിക്കെയാണ് ഉന്നതതല ഇടപെടലിനെ തുടര്‍ന്ന് പിന്മാറിയത്.നിലമ്പൂരില്‍ സമദൂരം പാലിക്കുമെന്ന് കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്‌സര പറഞ്ഞു. പി വി അന്‍വര്‍ കൂടി കളത്തിലിറങ്ങിയതോടെ ചതുഷ്‌കോണപ്പോരിന് ഒരുങ്ങിയിരിക്കുകയാണ് നിലമ്പൂര്‍. ഏറെ നാടകീയതകള്‍ക്ക് ശേഷമാണ് പി വി അന്‍വര്‍ സ്ഥാനാര്‍ഥിത്വം പ്രഖ്യാപിച്ചത്.
അന്‍വറിന്റെ സ്ഥാനാര്‍ഥിത്വം ബാധിക്കില്ലെന്ന നിലപാടിലാണ് എല്‍ഡിഎഫും യുഡിഎഫും. അഡ്വ. മോഹന്‍ ജോര്‍ജാണ് എന്‍ഡിഎ സ്ഥാനാര്‍ഥി. മലയോര കുടിയേറ്റ ക്രിസ്ത്യന്‍ വിഭാഗത്തിന്റെ പ്രതിനിധിയായാണ് അഡ്വ. മോഹന്‍ ജോര്‍ജിനെ ബിജെപി സ്ഥാനാര്‍ത്ഥിയാക്കിയത്.
പ്രതികരിക്കാൻ ഇവിടെ എഴുതുക: