തിരുവനന്തപുരം: യുവാക്കളെ മാരകായുധങ്ങളുമായി ആക്രമിച്ച് കൊലപ്പെടുത്താന്‍ ശ്രമിച്ച പ്രതികള്‍ പിടിയിലായി. അരുവിക്കരയില്‍ ആണ് സംഭവം.
വട്ടിയൂര്‍ക്കാവ് കൊടുങ്ങാനൂര്‍ സ്വദേശികളായ കിരണ്‍ വിജയ് ( 27), അഭിലാഷ് എന്ന കിണ്ടര്‍ അപ്പു (27 ) വട്ടിയൂര്‍ക്കാവ് മണ്ണറക്കോണം സ്വദേശി സുജിത്ത് ( 38) , വട്ടിയൂര്‍ക്കാവ് കൊടുങ്ങാന്നൂര്‍ സ്വദേശി അരുണ്‍ കുമാര്‍ (30) എന്നിവരാണ് അറസ്റ്റിലായത്. അരുവിക്കര ഇരുമ്പയില്‍ കഴിഞ്ഞ 21 നായിരുന്നു സംഭവം.
ഇരുമ്പ സ്വദേശികളായ ബിനു, രാജീവ് എന്നിവരെയാണ് നാലംഗ സംഘം കൊല്ലാന്‍ ശ്രമിച്ചത്. ബൈക്കില്‍ സഞ്ചരിക്കുകയായിരുന്ന യുവാക്കളെ കാറില്‍ പിന്തുടര്‍ന്നെത്തിയ സംഘം ഇടിച്ചു വീഴ്‌ത്തിയ ശേഷം റോഡിലിട്ട് ആക്രമിച്ചു.പ്രതികള്‍ മുഖം മൂടി ധരിച്ചിരുന്നു. മുന്‍ വൈരാഗ്യമാണ് ആക്രമണത്തിന് കാരണമെന്നാണ് പൊലീസിന്റെ നിഗമനം. പൊലീസിന് ലഭിച്ച രഹസ്യ വിവരം അനുസരിച്ചാണ് ഒളിയിടത്തില്‍ നിന്ന് പ്രതികളെ പിടികൂടിയത്.
്>
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: