തിരുവനന്തപുരം:ഐബി ഉദ്യോഗസ്ഥയുടെ മരണത്തില് പ്രതി സുകാന്ത് സുരേഷിനെ ജൂണ് പത്ത് വരെ റിമാന്റ് ചെയ്തു. വിശദമായ ചോദ്യം ചെയ്യലിന് പൊലീസ് കസ്റ്റഡി അപേക്ഷ നല്കും.
മുന്കൂര് ജാമ്യാപേക്ഷ ഹൈക്കോടതി തള്ളിയതോടെ ഇന്നലെയാണ് മുന് ഐബി ഉദ്യോഗസ്ഥന് സുകാന്ത് സുരേഷ് കൊച്ചിയില് കീഴടങ്ങിയത്. ജാമ്യം അനുവദിച്ചാല് കേസിനെ ദോഷകരമായി ബാധിക്കുമെന്ന് വിലയിരുത്തിയാണ് കോടതി ജാമ്യം നിഷേധിച്ചത്. ഇന്ന് രാവിലെയാണ് തിരുവനന്തപുരം പേട്ട പൊലീസിന് പ്രതിയെ കൈമാറിയത്. തുടര്ന്ന് വഞ്ചിയൂര് ഒന്നാം ക്ലാസ് മജിസ്ട്രേറ്റ് കോടതിയില് ഹാജരാക്കി 14 ദിവസത്തേക്ക് റിമാന്റ് ചെയ്യുകയായിരുന്നു.
രണ്ട് മാസത്തോളം ഒളിവിലായിരുന്ന സുകാന്തിനെ പിടികൂടാത്തതില് ഹൈക്കോടതി കഴിഞ്ഞ ദിവസം രൂക്ഷ വിമര്ശനം ഉന്നയിച്ചിരുന്നു.കഴിഞ്ഞ മാര്ച്ചിലാണ് തിരുവനന്തപുരം വിമാനത്താവളത്തിലെ എമിഗ്രേഷന് വിഭാഗം ഐബി ഓഫീസറായ യുവതിയെ ആത്മഹത്യ ചെയ്ത നിലയില് കണ്ടെത്തിയത്. പിന്നാലെ നടത്തിയ അന്വേഷണത്തില് യുവതി സുകാന്തുമായി പ്രണയത്തിലാണെന്നും ഗര്ഭച്ഛിദ്രത്തിന് വിധേയ ആയെന്നും വിവരം ലഭിച്ചു.
