തൃശൂര്‍:കാട്ടുപന്നിയുടെ ആക്രമണത്തില്‍ ദമ്പതികള്‍ക്ക് ഗുരുതര പരിക്ക്. കാലടി പ്ലാന്റേഷന്‍ കല്ലാല എസ്റ്റേറ്റ് 14-ാം ബ്ലോക്കില്‍ ചുള്ളി എരപ്പ് ചീനംചിറ സ്വദേശികളായ കേക്കാടത്ത് വീട്ടില്‍ കെ.എ. കുഞ്ഞുമോന്, ഭാര്യ സുമ എന്നിവര്‍ക്കാണ് പരിക്കേറ്റത്.
വെളളിയാഴ്ച രാവിലെ 6.15 ഓടെയായിരുന്നു സംഭവം. സുമയെ എസ്റ്റേറ്റില്‍ ജോലിക്ക് കൊണ്ടു പോകവെ ഇവര്‍ സഞ്ചരിച്ചിരുന്ന സ്‌കൂട്ടറില്‍ കൂട്ടമായി എത്തിയ കാട്ടുപന്നികള്‍ വന്ന് ഇടിക്കുകയായിരുന്നു. റോഡില്‍ തെറിച്ച് വീണ് കുഞ്ഞുമോനും ഭാര്യ സുമയ്‌ക്കും ഗുരുതരമായി പരിക്കേറ്റു.
ഇവരെ അങ്കമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തലയ്‌ക്ക് ഗുരുതരമായി പരിക്കേറ്റ കുഞ്ഞുമോന് ശസ്ത്രക്രിയ നടത്തി.
