എല്ലാം മുന്‍കൂട്ടിക്കണ്ട് മോദിയുടെ നഗരങ്ങള്‍ ഇരുട്ടിലാക്കിക്കൊണ്ടുള്ള മോക് ഡ്രില്‍ ഗുണമായി; അതിര്‍ത്തിനഗരങ്ങള്‍ ഇരുട്ടിലാക്കി ഇന്ത്യ

ന്യൂദല്‍ഹി: മോദി സര്‍ക്കാര്‍ യുദ്ധം തുടങ്ങുന്നതിന് മുന്‍പ് ഇന്ത്യയിലെ വിവിധ നഗരങ്ങളില്‍ മെയ് ഏഴിന് പൊതുജനങ്ങളെ ബോധവല്‍ക്കരിക്കാന്‍ വേണ്ടി നടത്തിയ ബ്ലാക്ക് ഔട്ട് പരിശീലനങ്ങള്‍ ഗുണം ചെയ്തു. മെയ് എട്ടിന് പാകിസ്ഥാന്‍ ജമ്മു കശ്മീര്‍, പഞ്ചാബ്, രാജസ്ഥാന്‍ എന്നീ സംസ്ഥാനങ്ങളിലെ ചില പ്രദേശങ്ങിലേക്ക് നടത്തിയ ഡ്രോണ്‍, മിസൈല്‍ ആക്രമണത്തെ തുടര്‍ന്ന് ഇവിടങ്ങളില്‍ ഇന്ത്യ ഇരുട്ടിലാഴ്‌ത്തിയിരിക്കുകയാണ്. പക്ഷെ ഈ ബ്ലാക്ക് ഔട്ടുകള്‍ (എല്ലാ വെളിച്ചവും കെടുത്തിനഗരങ്ങളെ ഇരുട്ടിലാഴ്‌ത്തല്‍) പൊതുജനങ്ങളെ അമ്പരപ്പിക്കുന്നില്ല. കാരണം അവര്‍ ആ ബ്ലാക്കൗട്ട് പരിശീലനത്തിലൂടെ കടന്നുപോയി മണിക്കൂറുകള്‍ ആകുന്നതേയുള്ളൂ.

ശത്രൂവിന് ഇന്ത്യയിലെ ഭൂപ്രദേശങ്ങള്‍ കാണാതിരിക്കാനാണ് മോക് ഡ്രില്‍ നടത്തിയപ്പോള്‍ നഗരങ്ങളെ ഇരുട്ടിലാക്കാന്‍ ഇന്ത്യ ബ്ലാക്ക് ഔട്ട് പരിശീലനം നടത്തിയത്. ഇന്ത്യന്‍ നഗരങ്ങളെ പാകിസ്ഥാന്റെ കാഴ്ചയില്‍ നിന്നും മറച്ച് കാണാമറയത്ത് നിര്‍ത്തുക എന്നതാണ് ബ്ലാക്കൗട്ടിന്റെ ലക്ഷ്യം. ആക്രമണത്തിന്റെ ലക്ഷ്യം തെറ്റിക്കാന്‍ ബ്ലാക്കൗട്ടിന് കഴിയുമെന്നത് പ്രശസ്തമായ യുദ്ധതന്ത്രങ്ങളില്‍ ഒന്നാണ്. ആള്‍നാശം കുറയ്‌ക്കാനും ജനങ്ങള്‍ക്ക് ആ പ്രദേശത്ത് നിന്നും സുരക്ഷിതകേന്ദ്രത്തിലേക്ക് മാറാനും ബ്ലാക്കൗട്ട് സഹായിക്കും. മെയ് ഏഴിന് എല്ലാം മുന്‍കൂട്ടികണ്ടിട്ടെന്ന പോലെ ഇന്ത്യ 244 നഗരങ്ങളിലാണ് പൊതു ജനത്തിനായി ബ്ലാക്ക് ഔട്ട് പരിശീലനവും മോക് ഡ്രില്ലും നടത്തിയത്.

പഞ്ചാബിലെ സുവര്‍ണ്ണക്ഷേത്രം ഇരുട്ടിലാഴ്‌ത്തിക്കൊണ്ടുള്ള മോക് ഡ്രില്ലിന്റെ ഭാഗമായുള്ള ബ്ലാക്കൗട്ട് പരിശീലനം:

#WATCH– Moment of blackout at Golden Temple in Amritsar, as part of the mock drill ordered by the MHA.#MockDrill #GoldenTemple #Amritsar #Blackout #ViralVideo pic.twitter.com/QZjtZONtmZ

— TIMES NOW (@TimesNow) May 8, 2025

പഞ്ചാബില്‍ സുവര്‍ണ്ണക്ഷേത്രം വരെ നിമിഷങ്ങളോളം ഇരുട്ടിലാഴ്‌ത്തിക്കൊണ്ടായിരുന്നു മോക് ഡ്രില്‍. സുവര്‍ണ്ണക്ഷേത്രം ഇരുട്ടിലാക്കിക്കൊണ്ട് ജനങ്ങള്‍ക്ക് നല്‍കിയ യുദ്ധപരിശീലനം സമൂഹമാധ്യമങ്ങളില്‍ ഏറെ പ്രചരിച്ചിരുന്നു. ഏറ്റവും അതിശയമായത് പാകിസ്ഥാന്‍ സുവര്‍ണ്ണക്ഷേത്രം നിലകൊള്ളുന്ന പഞ്ചാബിലെ അമൃതസര്‍പ്രദേശത്തേക്ക് മിസൈല്‍ ആക്രമണം നടത്താന്‍ ശ്രമിച്ചു എന്നതാണ്. പക്ഷെ ഇന്ത്യയുടെ വ്യോമപ്രതിരോധ സംവിധാനം അതെല്ലാം തകര്‍ത്തെറിഞ്ഞു. പാകിസ്ഥാന്‍ ആക്രമണശ്രമത്തെ തുടര്‍ന്ന് അമൃതസറില്‍ മെയ് എട്ട് വ്യാഴാഴ്ച തുടര്‍ച്ചയായി ബ്ലാക്കൗട്ട് നടത്തിയിരുന്നു.

പാകിസ്ഥാന്റെ ആക്രമണം ഉണ്ടായപ്പോള്‍ ഇന്ത്യ ബ്ലാക്ക് ഔട്ട് ചെയ്തപ്പോള്‍ ഇന്ത്യയിലെ ജനങ്ങള്‍ അതിനെ മനസ്സാലേ സ്വീകരിച്ചിരിക്കുകയാണ്. മാത്രമല്ല, പാകിസ്ഥാന്‍ ശക്തമായ ഷെല്ലാക്രമണവും മിസൈല്‍ ആക്രമണവും നടത്തിയേക്കുമെന്ന് മുന്‍കൂട്ടി കണ്ടത് ഇന്ത്യന്‍ പ്രതിരോധസേനയുടെ രഹസ്യവിവരശേഖരണത്തിന്റെ വിജയം കൂടിയാണ്. അതിന്റെ ഭാഗമായായിരുന്നു ഇന്ത്യയിലെ ജനങ്ങള്‍ക്ക് നഗരങ്ങളെ ഇരുട്ടിലാക്കിക്കൊണ്ടുള്ള യുദ്ധസാഹചര്യം പരിചയപ്പെടുത്തിക്കൊണ്ടുള്ള പരിശീലനം.