തിരുവനന്തപുരം: കേരളം സാധ്യതകളൂടെ സ്വാഭാവിക ഭൂമിയാണെന്ന് ഉദയസമുദ്ര ഗ്രൂപ്പ് ഓഫ് ഹോട്ടൽസ് മാനേജിംഗ് ഡയറക്ടർ എസ്.രാജശേഖരൻ നായർ. കേരളത്തിന്റെ സാധ്യതകളെ പ്രതികൂല ഘടകങ്ങളെ പരാജയപ്പെടുത്തി വിജയിച്ചവരാണ് ജന്മഭൂമിയുടെ സദസിലുള്ളത്. നല്ല മനുഷ്യർ, നല്ല കാലാവസ്ഥ, സുന്ദരമായ സയുദ്രതീരം, മെച്ചപ്പെട്ട ചികിത്സാ സംവിധാനങ്ങൾ, നല്ല ഭക്ഷണം, യോഗ, ആയൂർവേദം ഇവയെല്ലാം കേരളത്തിന്റെ സാധ്യതകളാണെന്നും അദ്ദേഹം പറഞ്ഞു.
ഹെൽത്ത് ട്യൂറിസം വളർന്നുവരുന്ന വിശാല സാധ്യതകളുടെ മേഖലയാണ്. ഒരു വിദേശിയാണ് തിരുവനന്തപുരത്ത് കോവളം തീരത്തെ സാധ്യത ആദ്യം തിരിച്ചറിഞ്ഞത്. അതുപോലെ പല സാധ്യതകളും ഇനിയും നാം കണ്ടെത്താനും ആരംഭിക്കാനുമുണ്ട്. നമ്മുടെ നാട്ടിലെ പച്ചിലകളിലും വേരുകളിലും സാധ്യതയുണ്ടെന്ന് തിരിച്ചറിഞ്ഞ് മക്കളുടെ പേരിട്ട് അമ്മയെ കൊണ്ട് വിളക്കുകൊളുത്തി ലോകത്തിനുമുന്നിൽ ആരോഗ്യ രംഗത്ത് വിജയം നേടിയ ഡോ.ജെ.ഹരീന്ദ്രൻ നായർ മികച്ച മാതൃകയാണ്.
കേരളത്തിലെ ഓരോ ഗ്രാമങ്ങളിലെയും വിഷയങ്ങളെയും സാധ്യതകളെയും സസൂഷ്മം നിരീഷിക്കുകയും പൊതുസമൂഹത്തിന് മുന്നിലെത്തിക്കുകയും ചെയ്യുന്ന ജന്മഭൂമി കുടുംബത്തിന് സുവർണ്ണ ജൂബിലി ജയന്തി ആശംസകൾ.
