മലപ്പുറം : തവനൂര്‍-തിരുനാവായ പാലം നിര്‍മാണത്തിന് തുടക്കമിടും മുമ്പ് ഭൂമി പൂജ നടത്തിയതില്‍ സി പി എം നേതാക്കളെ പരിഹസിച്ച് കോണ്‍ഗ്രസ്. തവനൂര്‍ ശിവക്ഷേത്രത്തിന് സമീപം പാലത്തിന്റെ അപ്രോച്ച് റോഡ് നിര്‍മാണത്തിന് തുടക്കം കുറിക്കാനാണ് ഭൂമിപൂജയും തേങ്ങയുടയ്‌ക്കലും നടത്തിയത്. കരാര്‍ കമ്പനിയായ ഊരാളുങ്കല്‍ സൊസൈറ്റി പ്രതിനിധികളും സിപിഎം നേതാക്കളും ചടങ്ങില്‍ പങ്കെടുത്തു.
സിപിഎം തവനൂര്‍ ഏരിയ കമ്മിറ്റി അംഗവും തവനൂര്‍ പഞ്ചായത്ത് വൈസ് പ്രസിഡന്റുമായ ടി.വി.ശിവദാസാണ് പൂജകള്‍ക്കുശേഷം ആദ്യം തേങ്ങയുടച്ചതെന്ന് കോണ്‍ഗ്രസ് നേതാക്കള്‍ കുറ്റപ്പെടുത്തി. പാര്‍ട്ടി അംഗവും തവനൂര്‍ പഞ്ചായത്ത് പ്രസിഡന്റുമായ സി.പി.നസീറ ഉള്‍പ്പെടെ 7 പേര്‍ പിന്നാലെ തേങ്ങയുടച്ചു.
ഭൂമിപൂജയുടെ വിഡിയോ പുറത്തുവന്ന സാഹചര്യത്തിലാണ് സിപിഎം നേതാക്കളെ പരിഹസിച്ച് കോണ്‍ഗ്രസ് രംഗത്തെത്തിയത്.സിപിഎമ്മിന് എന്നുമുതലാണ് വിഘ്നത്തില്‍ വിശ്വാസം വന്നുതുടങ്ങിയതെന്ന് കോണ്‍ഗ്രസ് പ്രദേശിക നേതാക്കള്‍ ചോദിച്ചു.
പ്രതികരിക്കാൻ ഇവിടെ എഴുതുക