തിരുവനന്തപുരം: മാലിന്യ സംസ്കരണത്തില് കേന്ദ്രീകൃത രീതിയാണ് ഗുണകരമെന്നും ഇക്കാര്യത്തിലുള്ള പഴഞ്ചന് സങ്കല്പങ്ങള് മാറേണ്ടതുണ്ടെന്നും നഗരാസൂത്രണ വിദഗ്ദ്ധന് അനില്കുമാര് പണ്ടാല പറഞ്ഞു. ജന്മഭൂമി സുവര്ണജയന്തി ആഘോഷങ്ങളോടനുബന്ധിച്ച് ചെറുവയ്ക്കല് വാര്ഡില് സംഘടിപ്പിച്ച ജനസദസ് ഉദ്ഘാടനം ചെയ്യുകയായിരുന്നു അദ്ദേഹം. നാം ഇന്ന് അനുകരിക്കുന്ന മോഡലുകള് ഉപയോഗപ്രദമാണോ എന്ന് ചിന്തിക്കണം. വികസിത രാജ്യങ്ങളില് ജനവാസ മേഖലകളില്പ്പോലും വിദഗ്ദ്ധമായ രീതിയില് മാലിന്യസംസ്കരണം നടത്തുന്ന രീതി നടപ്പാക്കുന്നുണ്ട്. ജൈവ മാലിന്യസംസ്കരിച്ച് വളമാക്കി മാറ്റുന്നതിന് സിടിസിആര്ഐയുടെ കൈവശമുള്ള ഭൂമി ഉപയോഗിക്കാനാകുമോ എന്ന് ചിന്തിക്കേണ്ടതുണ്ടെന്നും അദ്ദേഹം പറഞ്ഞു.
അംഗന് വാടികള്ക്ക് സ്വന്തമായി കെട്ടിടം നിര്മിക്കണമെന്ന് ചെറുവയ്ക്കല് ജനസഭ
ചെറുവയ്ക്കല്: ചെറുവയ്ക്കല് വാര്ഡിലെ 10 അംഗന് വാടികളില് 4 എണ്ണത്തിനു മാത്രമാണ് സ്വന്തമായി കെട്ടിടങ്ങളുള്ളതെന്നും ആറെണ്ണത്തിന് കെട്ടിടത്തിനുള്ള സ്ഥലം കണ്ടെത്താന് റിസഡന്സ് അസോസിയേഷനുകള് മുന്കൈ എടുക്കണമെന്നും അംഗനവാടി ടീച്ചര്മാര് ആവശ്യമുന്നയിച്ചു. റോഡുകളില് മാലിന്യം വലിച്ചെറിയുന്ന രീതി ചിലരെങ്കിലും ഇപ്പോഴും സ്വീകരിക്കുന്നുണ്ടെന്ന് ഹരിതകര്മസേന അംഗങ്ങള് പരാതിപ്പെട്ടു. സ്വകാര്യ വ്യക്തി തോട്ടിലൂടെ സെപ്റ്റിക് മാലിന്യം ഉള്പ്പെടെ ഒഴുക്കി വിടുന്നത് അവസാനിപ്പിക്കാന് നടപടിയുണ്ടാകണമെന്ന് ഡിഎന്ആര്എ റസിഡന്റ്സ് അസോസിയേഷന് സെക്രട്ടറി രാജേന്ദ്രന് ആവശ്യപ്പെട്ടു. ചെറുവയ്ക്കല് വാര്ഡ് കൗണ്സിലര് ബിന്ദു.എസ്.ആര് അധ്യക്ഷത വഹിച്ചു. പിടിപി നഗര് കൗണ്സിലര് അഡ്വ.വി.ജി.ഗിരി, ജൂനിയര് ഹെല്ത്ത് ഇന്സ്പെക്ടര് അജിത, ബാപ്പുജി നഗര് അസോസിയേഷന് പ്രസിഡന്റ്രഘുനാഥ്, ജന്മഭൂമി സീനിയര് സബ്എഡിറ്റര് ആര്.പ്രദീപ് എന്നിവര് സംസാരിച്ചു.
