ചെന്നൈ : പ്രമുഖ വ്യവസായിയും നിര്മാതാവുമായ ഗോകുലം ഗോപാലന്റെ വീട്ടിലും സ്ഥാപനങ്ങളിലും നടക്കുന്ന ഇഡി റെയ്ഡ് തുടരുന്നു. കോഴിക്കോട് അരയിടത്ത് പാലത്തെ ഗോകുലം മാളിനു സമീപത്തെ കോര്പറേറ്റ് ഓഫിസില് വെച്ച് ഗോകുലം ഗോപാലനെയും ഇഡി ചോദ്യം ചെയ്യുന്നുണ്ട്.
രാവിലെ പതിനൊന്നരയോടെയാണ് ചോദ്യം ചെയ്യല് ആരംഭിച്ചത്. എന്ആര്ഐകളുമായി 1,000 കോടി രൂപയുടെ ഫെമ ലംഘനം നടത്തിയെന്നും അനധികൃത ഇടപാടുകള് നടത്തിയെന്നും ആരോപിച്ച് തമിഴ്നാട്, കേരളം ഉള്പ്പെടെ വിവിധ സംസ്ഥാനങ്ങളിലെ ഗോകുലം ഗോപാലന്റെ വീടും ഓഫീസുകളുമായി ബന്ധപ്പെട്ട് അഞ്ച് സ്ഥലങ്ങളിലാണ് റെയ്ഡ് തുടരുന്നത്.
അനധികൃത സാമ്പത്തിക ഇടപാടുകളുമായി ബന്ധപ്പെട്ട ആരോപണത്തില് രണ്ടുവര്ഷം മുന്പ് ഗോകുലം ഗോപാലനെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്തിരുന്നു. രാജ്യത്ത് ഉടനീളം 400ലധികം ശാഖകളാണ് ഗോകുലം ചിട്ട്സിന് ഉള്ളത്.
