ആലപ്പുഴ: സിപിഎമ്മില് നേതൃപദവിക്ക് നിശ്ചയിച്ചിരിക്കുന്ന പ്രായപരിധി എടുത്തു കളയണമെന്ന അഭിപ്രായവുമായി മുന് മന്ത്രി ജി സുധാകരന്. ഫേസ് ബുക്കിലാണ് അദ്ദേഹം ഈ അഭിപ്രായം പങ്കുവച്ചത്. സിപിഎമ്മില് പ്രായപരിധി എടുത്തു കളയുന്നതാണ് ഭംഗി. പിണറായി മുതല് മണിക് സര്ക്കാര് വരെയുള്ള നേതാക്കള്ക്ക് ഇളവ് നല്കുന്നതിന് പകരം പ്രായപരിധി എടുത്തു കളയണം. പ്രായപരിധി കമ്മ്യൂണിസ്റ്റ് രീതി അല്ല എന്ന വ്യാപകമായ ആക്ഷേപം ഉയരുന്നു.തന്നെ പോലെ ഇത്രയധികം പാര്ട്ടി കോണ്ഗ്രസുകളില് പങ്കെടുത്തിട്ടുള്ളവരില് ജീവിച്ചിരിക്കുന്നവര് ചുരുക്കമാണ്. മൂന്നു വര്ഷം മുന്പ് പ്രായപരിധിയുടെ പേരില് സംസ്ഥാന സമിതിയില് നിന്ന് ജില്ലാ കമ്മിറ്റിയിലേക്ക് വന്നു. തിരുവനന്തപുരം മുതല് വടകര വരെ ധാരാളം പൊതുപരിപാടികളില് പങ്കെടുത്തു. സാധാരണ പാര്ട്ടി സഖാക്കള്ക്കും ഇടതുപക്ഷക്കാര്ക്കും പൊതു സമൂഹത്തിനും തന്നെ മടുത്തിട്ടില്ലെന്നും ജി സുധാകരന് പറയുന്നു.
