മുംബൈ: എ.ആര്‍. റഹ്മാന്റെ മുന്‍ ഭാര്യയെന്ന് പരാമര്‍ശിക്കരുതെന്ന അഭ്യര്‍ത്ഥനയുമായി സൈറ ബാനു. തങ്ങള്‍ വിവാഹമോചിതരായിട്ടില്ലെന്നും വേര്‍പിരിയുക മാത്രമാണ് ചെയ്തതെന്നും സൈറ പുറത്തിറക്കിയ പ്രസ്താവനയില്‍ വ്യക്തമാക്കി.
ആരോഗ്യപ്രശ്നങ്ങളെത്തുടര്‍ന്ന് എ.ആര്‍. റഹ്മാനെ ആശുപത്രിയില്‍ പ്രവേശിപ്പിച്ചതിന് പിന്നാലെയാണ് ഭാര്യയായിരുന്ന സൈറ ബാനു പുതിയ പ്രസ്താവന പുറത്തിറക്കിയത്.
തന്റെ ആരോഗ്യപ്രശ്നങ്ങളാണ് ബന്ധം പിരിയാന്‍ കാരണമെന്നാണ് സൈറ പറഞ്ഞത്. റഹ്മാന് എത്രയും പെട്ടെന്ന് സുഖം പ്രാപിക്കട്ടെയെന്നും അവര്‍ ആശംസിച്ചു. അടുത്തിടെ സൈറയും ആരോഗ്യപ്രശ്നങ്ങളെത്തുടര്‍ന്ന് ചികിത്സയിലായിരുന്നു. അടിയന്തര ശസ്ത്രക്രിയയ്‌ക്കും വിധേയയാക്കിയിരുന്നു. ഈ ഘട്ടത്തില്‍ പിന്തുണ നല്കിയ റഹ്മാന് സൈറ പിന്നീട് നന്ദി അറിയിച്ചിരുന്നു. കഴിഞ്ഞ നവംബറിലാണ് റഹ്മാനുമായുള്ള ബന്ധം വേര്‍പിരിയുകയാണെന്ന് സൈറ അറിയിച്ചത്. പിന്നാലെ റഹ്മാനും ഇക്കാര്യം സ്ഥിരീകരിച്ചു.
പ്രതികരിക്കാൻ ഇവിടെ എഴുതുക