ബെംഗളൂരു : പ്രമുഖ നടി രശ്മിക മന്ദാന കന്നഡയെ അവഗണിച്ചുവെന്ന് ആരോപിച്ച് കർണാടക കോൺഗ്രസ് എംഎൽഎ രവികുമാർ ഗൗഡ ഗാനിഗ രംഗത്ത്. നടിയെ ഒരു പാഠം പഠിപ്പിക്കണമെന്നും കോൺഗ്രസ് എംഎൽഎ മാധ്യമങ്ങളോട് സംസാരിക്കവെ പറഞ്ഞു
“കർണാടകയിൽ കിരിക് പാർട്ടി എന്ന കന്നഡ സിനിമയിലൂടെ തന്റെ കരിയർ ആരംഭിച്ച രശ്മിക മന്ദാന കഴിഞ്ഞ അന്താരാഷ്ട്ര ചലച്ചിത്രമേളയിലേക്ക് ക്ഷണിച്ചപ്പോൾ പങ്കെടുക്കാൻ വിസമ്മതിച്ചു.” കൂടാതെ “എനിക്ക് ഹൈദരാബാദിൽ വീടുണ്ട്, കർണാടക എവിടെയാണെന്ന് എനിക്കറിയില്ല, എനിക്ക് സമയമില്ല. എനിക്ക് വരാൻ കഴിയില്ല” – എന്ന് രശ്മിക പറഞ്ഞതായും എംഎൽഎ കൂട്ടിച്ചേർത്തു.
ഇതിനു പുറമെ ഞങ്ങളുടെ നിയമസഭാംഗ സുഹൃത്തുക്കളിൽ ഒരാൾ അവരെ ക്ഷണിക്കാൻ 10-12 തവണ അവരുടെ വീട് സന്ദർശിച്ചു. പക്ഷേ അവർ വിസമ്മതിച്ചു. ഇവിടെയുള്ള സിനിമ വ്യവസായത്തിൽ അവർ വളർന്നിട്ടും കന്നഡയെ അവഗണിച്ചു. നമ്മൾ അവരെ ഒരു പാഠം പഠിപ്പിക്കേണ്ടതല്ലേ എന്നും എംഎൽഎ ചോദിച്ചു.
