പത്തനംതിട്ട: വിവാഹ വാഗ്ദാനം നല്‍കി പതിനഞ്ചുകാരിയെ പീഡിപ്പിച്ച് ഗര്‍ഭം ധരിപ്പിച്ച സംഭവത്തില്‍ യുവാവിനെ അറസ്റ്റ് ചെയ്തു.കൊല്ലമുള ചാത്തന്‍തറ കുറുമ്പന്‍മൂഴി പുല്ലുപാറക്കല്‍ വീട്ടില്‍ ജിത്തു പ്രകാശ് (19) നെയാണ് അറസ്റ്റ് ചെയ്തത്.
2024 സെപ്തംബര്‍ 22 ന് പെണ്‍കുട്ടിയുടെ വീട്ടിലെ കിടപ്പുമുറിയില്‍ വച്ചാണ് ആദ്യം ഇയാള്‍ പീഡിപ്പിച്ചത്. പിന്നീട് ഒക്ടോബറില്‍ ഒരു ദിവസവും പീഡിപ്പിച്ചു. പെണ്‍കുട്ടി ഗര്‍ഭിണിയായ വിവരം കഴിഞ്ഞ ദിവസമാണ് വെച്ചൂച്ചിറ പൊലീസിന് ലഭിച്ചത്.
മൊഴിയെടുക്കാന്‍ ശ്രമിച്ചെങ്കിലും ആദ്യം പെണ്‍കുട്ടി തയാറായില്ല. പിന്നീട് കൗണ്‍സിലിംഗിന് വിധേയമാക്കിയ ശേഷം മൊഴി എടുക്കുകയായിരുന്നു.ശിശുസൗഹൃദ ഇടത്തില്‍ വച്ച് വിശദമായി പൊലീസ് മൊഴിയെടുത്തു.
തുടര്‍ന്ന് രാത്രി തന്നെ ഇയാളെ കുറുമ്പന്‍മൂഴിയില്‍ നിന്ന് പിടികൂടി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക