ഏത് നിയമം കൊണ്ടുവന്നാലും മുസ്ലീങ്ങൾ ശരീയത്ത് മാത്രമേ അനുസരിക്കൂ : അതിനെ വെല്ലുവിളിക്കാൻ മറ്റൊരു നിയമമില്ല ; ജാമിയത്ത് ഉലമ-ഇ-ഹിന്ദ്

ഡെറാഡൂൺ : ഉത്തരാഖണ്ഡിൽ ഏകീകൃത സിവിൽ കോഡ് നടപ്പിലാക്കിയതിനെതിരെ ജാമിയത്ത് ഉലമ-ഇ-ഹിന്ദ് പ്രസിഡന്റ് മൗലാന മഹ്മൂദ് അസദ് മദനി. ഏകീകൃത സിവിൽ കോഡ് മുസ്ലീങ്ങൾക്ക് ഒരു സാഹചര്യത്തിലും സ്വീകാര്യമല്ലെന്നും , ഈ നിയമം നടപ്പിലാക്കുന്നത് അന്യായമാണെന്നും മൗലാന മദനി പ്രസ്താവിച്ചു.

മുസ്ലീം ന്യൂനപക്ഷങ്ങളുടെ എതിർപ്പുകൾ അവഗണിച്ചുകൊണ്ട് ഈ നിയമം നടപ്പിലാക്കുന്നത് തെറ്റാണ് . ഏത് നിയമം വന്നാലും മുസ്ലീങ്ങൾ ശരീഅത്ത് നിയമം പാലിക്കുന്നതിൽ ഉറച്ചുനിൽക്കും . അതിനെ വെല്ലുവിളിക്കുന്ന ഒരു നിയമനിർമ്മാണവും അംഗീകരിക്കില്ല . നിയമം നടപ്പാക്കിയതിനെതിരെ പോരാട്ടം ആരംഭിക്കുമെന്നും മൗലാന മഹ്മൂദ് അസദ് മദനി പറഞ്ഞു.