ലക്നൗ : സംഭാൽ കലാപം പുനരന്വേഷിക്കാൻ ഒരുങ്ങി യുപി സർക്കാർ . 1978-ൽ നടന്ന കലാപത്തെക്കുറിച്ചുള്ള വിവരങ്ങൾ യോഗി ആദിത്യനാഥ് സർക്കാർ തേടി. 47 വർഷങ്ങൾക്ക് മുമ്പ്, മാർച്ച് 29 നാണ് കലാപം ആരംഭിച്ചത്. 184 പേർ കൊല്ലപ്പെട്ടു. ഏകദേശം 30 ദിവസത്തേക്ക് കർഫ്യൂവും ഏർപ്പെടുത്തിയിരുന്നു.
അന്വേഷണത്തിന് നേതൃത്വം നൽകാൻ ഒരു അഡീഷണൽ പോലീസ് സൂപ്രണ്ടിനെ നിയോഗിച്ചു. ഇത് സംബന്ധിച്ച ഉത്തരവ് ആഭ്യന്തര വകുപ്പ് ഡെപ്യൂട്ടി സെക്രട്ടറിയിൽ നിന്ന് പൊലീസിന് ലഭിച്ചു. 1978 ലെ കലാപത്തെക്കുറിച്ച് ലഭ്യമായ എല്ലാ വിവരങ്ങളും ലഭ്യമാക്കണമെന്ന് അതിൽ പറയുന്നു. സംയുക്ത അന്വേഷണത്തിന് അഡ്മിനിസ്‌ട്രേറ്റീവ് ഓഫീസറെ നിയമിക്കണമെന്ന് ആവശ്യപ്പെട്ട് പോലീസ് ജില്ലാ മജിസ്‌ട്രേറ്റിന് കത്ത് നൽകിയിട്ടുണ്ട്.
2025 ജനുവരി 8 ന് മൊറാദാബാദ് കമ്മീഷണർ ആഞ്ജനേയ സിംഗ്, ഈ കലാപവുമായി ബന്ധപ്പെട്ട എല്ലാ രേഖകളും കൈമാറാൻ സാംഭാൽ ജില്ലാ മജിസ്‌ട്രേറ്റ് ഡോ. രാജേന്ദ്ര പെൻസിയയോട് ആവശ്യപ്പെട്ടു. ആഞ്ജനേയ സിംഗ് ഇതുമായി ബന്ധപ്പെട്ട് യോഗവും വിളിച്ചിട്ടുണ്ട്. 46 വർഷമായി അടച്ചിട്ടിരുന്ന സംഭാലിലെ പുരാതന കാർത്തിക് മഹാദേവ ക്ഷേത്രം വീണ്ടും തുറന്നതിന് തൊട്ടുപിന്നാലെയാണ് ഈ പുതിയ സംഭവ വികാസങ്ങൾ . 2024 നവംബർ 24 ന് ഷാഹി ജുമാ മസ്ജിദിൽ സർവേയ്‌ക്കിടെ ഉണ്ടായ അക്രമ സംഭവങ്ങളെ തുടർന്നാണ് ക്ഷേത്രം വീണ്ടും തുറക്കാൻ തീരുമാനിച്ചത്
സ്വാതന്ത്ര്യം ലഭിക്കുമ്പോൾ, സാംഭാൽ മുനിസിപ്പൽ പ്രദേശത്തെ ഹിന്ദു ജനസംഖ്യ 45 ശതമാനമായിരുന്നു, ഇപ്പോൾ അത് 15-20% ആയി കുറഞ്ഞു. അന്ന് മുസ്ലീങ്ങൾ 55% ആയിരുന്നു. ഇന്ന് അത് 80-85 ശതമാനമായി വർദ്ധിച്ചു. ഈ കലാപത്തിനുശേഷം ഖഗ്ഗുസ്രായിൽ താമസിച്ചിരുന്ന നൂറോളം ഹിന്ദു കുടുംബങ്ങൾ ഈ പ്രദേശം വിട്ടു.
കലാപത്തിനിടെ, സൂത്രധാരന്മാരിൽ ഒരാളായ മൻസാർ ഷാഫി പ്രദേശത്തെ ഒരു ഹിന്ദു അധ്യാപകന്റെ മകളെയും ഭാര്യയെയും തട്ടിക്കൊണ്ടുപോയി. മകളെ ബലാത്സംഗം ചെയ്ത ശേഷം വിട്ടയച്ചു. അദ്ദേഹത്തിന്റെ ഭാര്യയെ പ്രദേശത്തെ ഹിന്ദുക്കൾ രക്ഷിച്ചു. ഈ കുടുംബവും പിന്നീട് ഈ സ്ഥലം ഉപേക്ഷിച്ചു പോയി.
എല്ലാ മുസ്ലീങ്ങളും എന്റെ സുഹൃത്തുക്കളെയും സഹോദരന്മാരെയും പോലെയാണെന്ന് പറഞ്ഞ് പുറത്ത് പോയ ബൻവാരി ലാലിനെ കഴുത്ത് മുറിച്ച് കൊലപ്പെടുത്തി. ഈ സംഭവത്തിന് സാക്ഷികളായ ഹർദ്വാരി ലാൽ ശർമ്മയും സുഭാഷ് ചന്ദ്ര രസ്തോഗിയും ഡ്രമ്മിനുള്ളിൽ ഒളിച്ച് ജീവൻ രക്ഷിച്ചു. എന്നാൽ ഹർദ്വാരി ലാലിന്റെ സഹോദരനെയും പിന്നീട് മുസ്ലീം കലാപകാരികൾ കുത്തിക്കൊലപ്പെടുത്തി.
