ഗാമീണ ഇന്ത്യയുടെ ശാക്തീകരണമാണ് സര്‍ക്കാരിന്റെ ലക്ഷ്യം: നരേന്ദ്രമോദി

ന്യൂഡല്‍ഹി: പ്രധാനമന്ത്രി നരേന്ദ്രമോദി ‘ഗ്രാമീണ്‍ ഭാരത് മഹോത്സവ് 2025’ ഭാരം മണ്ഡപത്തില്‍ ഉല്‍ഘാടനം ചെയ്തു. ‘വികസിത ഭാരതം 2024’നായി അതിജീവനശേഷിയുള്ള ഗ്രാമീണ ഇന്ത്യ കെട്ടിപ്പടുക്കുക എന്നതാണ് മഹോത്സവത്തിന്റെ പ്രമേയം. 2025ല്‍ എല്ലാ ജനങ്ങള്‍ക്കും സന്തോഷകരമായ ജീവിതം നേരുന്നുവെന്ന് പ്രധാനമന്ത്രി ആശംസിച്ചു.

മഹോത്സവത്തിന്റെ ആക്കം വര്‍ഷാരംഭത്തില്‍ ഇന്ത്യയുടെ വികസന യാത്രയുടെയും അവയുടെ സ്വത്വത്തിന്റെയും നേര്‍ക്കാഴ്ചയാണെന്ന് പ്രധാനമന്ത്രി പറഞ്ഞു.

ഗ്രാമങ്ങളില്‍ ജനിച്ച വളര്‍ന്ന ആളുകള്‍ക്ക് ഗ്രാമത്തിന്റെ സാധ്യതകള്‍ മനസ്സിലാക്കാന്‍ കഴിയുമെന്ന് മോദി അഭിപ്രായപ്പെട്ടു. ഗ്രാമത്തിന്റെ ആത്മാവ് അവിടെ ജീവിക്കുന്നവരിലാണെന്നും, അവര്‍ക്കാണ് യഥാര്‍ഥ ജീവിതം എങ്ങനെ നയിക്കണമെന്ന് അറിയുന്നതെന്നും അദ്ദേഹം കൂട്ടിച്ചേര്‍ത്തി. മോദി കുട്ടിക്കാലം ചെലവഴിച്ച അനുഭവം പങ്കുവെച്ച്, ഗ്രാമങ്ങളില്‍ കാലം ചെലവഴിച്ചത് ഭാഗ്യമായി കരുതുന്നതായി പറഞ്ഞു.

ഗ്രാമവാസികള്‍ കഠിനാധ്വാനികളാണെങ്കിലും, മൂലധനത്തിന്റെ അഭാവം അവര്‍ക്കു ശരിയായ അവസരങ്ങള്‍ നഷ്ടപ്പെടുത്തുന്നതായാണ് പ്രധാനമന്ത്രിയുടെ നിരീക്ഷണം. പ്രകൃതിക്ഷോഭം, വിപണിപ്രവേശനമില്ലായ്മ തുടങ്ങിയ വെല്ലുവിളികള്‍ കര്‍ഷകര്‍ നേരിടുന്നുണ്ടെന്നും, ഇവയെ മറികടക്കാനുള്ള സര്‍ക്കാര്‍ ശ്രമങ്ങളെ അദ്ദേഹം വിശദീകരിച്ചു.

2014മുതല്‍ ഗ്രാമീണ ഇന്ത്യയെ സേവിക്കാന്‍ താന്‍ നിരന്തരം പരിശ്രമിക്കുകയാണെന്നും, ഗ്രാമീണ ഇന്ത്യയുടെ ശാക്തീകരണമാണ് സര്‍ക്കാരിന്റെ ലക്ഷ്യമെന്നും മോദി വ്യക്തമാക്കി. എല്ലാ ഗ്രാമങ്ങളിലും അടിസ്ഥാന സൗകര്യങ്ങള്‍ ഉറപ്പാക്കാനുള്ള പദ്ധതികള്‍ നടപ്പിലാക്കിയിട്ടുണ്ടെന്നും പ്രധാനമന്ത്രി പറഞ്ഞു.

പിഎം ആവാസ് യോജന, ജല്‍ജീവന്‍ ദൗത്യം തുടങ്ങിയ പദ്ധതികള്‍ ഗ്രാമീണ ഇന്ത്യയെ കാര്യക്ഷമമായി സേവിക്കുന്നുവെന്നും, ആയുഷ്മാന്‍ ഇന്ത്യ, ഡിജിറ്റല്‍ ഇന്ത്യ എന്നീ പദ്ധതികള്‍ ഗ്രാമീണരിലേക്ക് എത്തിക്കുന്നതില്‍ സര്‍ക്കാര്‍ ശ്രദ്ധപതിപ്പിക്കുന്നുവെന്നും അദ്ദേഹം കൂട്ടിച്ചേര്‍ത്തി.

കുടിയേറ്റം കുറയ്‌ക്കാനും ഗ്രാമങ്ങളിലെ ജനങ്ങളുടെ ജീവിതം മെച്ചപ്പെടുത്താനും ലക്ഷ്യമിട്ട് എല്ലാ ഗ്രാമീണ മേഖലകളിലും അവസരങ്ങള്‍ സൃഷ്ടിക്കാന്‍ സര്‍ക്കാര്‍ പ്രതിജ്ഞാബദ്ധമാണെന്ന് മോദി പറഞ്ഞു. 2014മുതല്‍ കര്‍ഷകര്‍ക്ക് 3 ലക്ഷം കോടി രൂപയുടെ ധനസഹായം നല്‍കിയതായും, കാര്‍ഷിക വായ്പകളുടെ തുക 3.5 മടങ്ങ് വര്‍ധിച്ചതായും പ്രധാനമന്ത്രി ചൂണ്ടിക്കാട്ടി.

സ്വാമിത്വ യോജന, മുദ്ര യോജന തുടങ്ങിയ പദ്ധതികള്‍ ഗ്രാമീണ വികസനത്തില്‍ പ്രധാന പങ്കു വഹിക്കുകയാണെന്നും, എംഎസ്എംഇകള്‍ക്ക് വായ്പാ സഹായം ഉറപ്പാക്കുന്നതില്‍ സര്‍ക്കാര്‍ ശ്രദ്ധ ചെലുത്തുകയാണെന്നും പ്രധാനമന്ത്രി വ്യക്തമാക്കി.

ഗ്രാമീണ സമ്പദ്‌വ്യവസ്ഥയുടെ വളര്‍ച്ചയ്‌ക്കായി സഹകരണ സംഘങ്ങളുടെ പങ്ക് പ്രധാനമാണ്. സഹകരണ മന്ത്രാലയം 2021ല്‍ സ്ഥാപിച്ചതിന്റെ പ്രാധാന്യം അദ്ദേഹം വിശദീകരിച്ചു. 70,000ല്‍ അധികം പ്രാഥമിക കാര്‍ഷിക വായ്പാ സംഘങ്ങള്‍ കമ്പ്യൂട്ടര്‍വല്‍ക്കരിച്ചുവെന്നും, ഇത് ഗ്രാമീണ സമ്പദ്‌വ്യവസ്ഥയെ ശക്തിപ്പെടുത്തുന്നുവെന്നും പ്രധാനമന്ത്രി വ്യക്തമാക്കി.

നഗരഗ്രാമങ്ങള്‍ തമ്മിലുള്ള ഉപഭോഗ വ്യത്യാസം കുറച്ചതായി സര്‍വേ കണ്ടെത്തിയതിന്റെ പശ്ചാത്തലത്തില്‍ ഗ്രാമീണ ഇന്ത്യയുടെ സമഗ്രവളര്‍ച്ച ലക്ഷ്യമിട്ടുള്ള സര്‍ക്കാര്‍ പദ്ധതികള്‍ പ്രധാനമന്ത്രി വിശദീകരിച്ചു. 25 കോടി ജനങ്ങളെ ദാരിദ്ര്യത്തില്‍ നിന്ന് പുറത്തേക്കു കയറ്റാന്‍ കഴിഞ്ഞതായി പ്രധാനമന്ത്രി ചൂണ്ടിക്കാട്ടി. 2024ല്‍ ഗ്രാമീണ ദാരിദ്ര്യം 5%ല്‍ താഴെയായി കുറഞ്ഞതായും അദ്ദേഹം വ്യക്തമാക്കി.

സ്ത്രീകളുടെ പങ്ക് വളര്‍ത്തുന്നതിനായി ‘ലഖ്പതി ദീദി’ പദ്ധതി നടപ്പിലാക്കുന്നതായി ശ്രീ മോദി പറഞ്ഞു. 1.15 കോടി സ്ത്രീകള്‍ ഇതിനകം ലഖ്പതി ദീദികളായി മാറിയതായും, മൂന്നു കോടി സ്ത്രീകളെ ലക്ഷ്യമിട്ടാണ് സര്‍ക്കാര്‍ പ്രവര്‍ത്തിക്കുന്നതെന്നും പ്രധാനമന്ത്രി വ്യക്തമാക്കി.

‘പ്രധാന്‍ മന്ത്രി ഗ്രാം സഡക് യോജന’ വഴി 4 ലക്ഷം കിലോമീറ്റര്‍ റോഡുകള്‍ ഗ്രാമപ്രദേശങ്ങളില്‍ നിര്‍മിച്ചതായി പ്രധാനമന്ത്രി ചൂണ്ടിക്കാട്ടി. 94% ഗ്രാമീണ കുടുംബങ്ങള്‍ ടെലിഫോണ്‍/മൊബൈല്‍ ബാങ്കിങ് സേവനങ്ങള്‍ ലഭ്യമാണെന്നും, ഡിജിറ്റല്‍ സൗകര്യങ്ങള്‍ ഗ്രാമങ്ങളില്‍ വ്യാപകമാണെന്നും അദ്ദേഹം കൂട്ടിച്ചേര്‍ത്തി.

ഗ്രാമീണ ഇന്ത്യയുടെ സമഗ്രവളര്‍ച്ച ലക്ഷ്യമിട്ടുള്ള ഈ മഹോത്സവം, 2025ലേക്കുള്ള ഇന്ത്യയുടെ ദിശയെ നിര്‍ണയിക്കുന്നതായിരിക്കുമെന്ന് മോദി പ്രത്യാശ പ്രകടിപ്പിച്ചു.