കാലടി: സംസ്കൃതം മാനവസംസ്കാരത്തെ ശുദ്ധീകരിക്കുന്ന ഭാഷയാണെന്നും അതിന്റെ അമൃതവര്ഷം പൊതുസമൂഹത്തിലെത്തിക്കാന് നടത്തുന്ന പരിശ്രമങ്ങളില് അഭിമാനിക്കുന്നുവെന്നും കാലടി സംസ്കൃത സര്വകലാശാല വൈസ് ചാന്സലര് പ്രൊഫ. കെ.കെ. ഗീതാകുമാരി.
വിശ്വസംസ്കൃത പ്രതിഷ്ഠാനത്തിന്റെ ആഭിമുഖ്യത്തില് പെരുമ്പാവൂര് അമൃത വിദ്യാലയത്തില് നടന്ന സംസ്ഥാനതല പ്രബോധനവര്ഗം സമാപന യോഗത്തില് പങ്കെടുത്തു സംസാരിക്കുകയായിരുന്നു അവര്. സനാതന ധര്മ്മത്തിന്റെ വാഹികയാണീ ഭാഷയെന്ന് വൈസ് ചാന്സലര് ഉദാഹരണസഹിതം ചൂണ്ടിക്കാട്ടി. വിശ്വസംസ്കൃത പ്രതിഷ്ഠാനം
സംസ്ഥാന വൈസ് പ്രസിഡന്റ് എ.വി. നാരായണശര്മ്മ അധ്യക്ഷനായി. പ്രസിദ്ധീകരണവിഭാഗം പ്രമുഖന് ഡോ. സുധീഷ് ഒ.എസ്. മുഖ്യപ്രഭാഷണം നടത്തി. പെരുമ്പാവൂര് ശ്രീസ്വാമി വൈദ്യഗുരുകുലം പിആര്ഒ ജയരാജ് ഭാരതി ആശംസാ ഭാഷണം നിര്വഹിച്ചു. അമൃതവിദ്യാലയം പ്രിന്സിപ്പല് മീന കസ്തൂരി, കീര്ത്തി എസ്.ആര്. പ്രഭു, ആര്. കിരണ് കുമാര് എന്നിവര് സംസാരിച്ചു. യോഗത്തിന് ശേഷം നടന്ന ഭാരതീപൂജയോടെ ക്യാമ്പ് സമാപിച്ചു.
