നേരത്തെ നമ്മുടെ നാട്ടിൽ കൂട്ടുകുടുംബങ്ങൾ കൂടുതലായിരുന്നു. എന്നാൽ ഇന്ന് നമ്മുടെ നാട്ടിൽ മാത്രമല്ല മിക്കയിടത്തും കാണുന്നത് അണുകുടുംബങ്ങൾ മാത്രമാണ്. ഒരു വീട്ടിൽ മാതാപിതാക്കളും മക്കളും മാത്രമാകും . മുൻകാലങ്ങളിൽ ഉണ്ടായിരുന്ന ബഹുഭാര്യത്വ സങ്കൽപ്പം ഇല്ല, മിക്കവാറും എല്ലാവരും അവരുടെ കൊച്ചു ലോകത്തിൽ സമയം ചെലവഴിക്കുന്നു. എന്നാൽ ഇവിടെ ഈ ഉഗാണ്ടൻ സ്വദേശിയായ മനുഷ്യന് ഒന്നും രണ്ടുമല്ല 12 ഭാര്യമാരാണുള്ളത് . ആകെ 102 കുട്ടികളും 578 പേരക്കുട്ടികളും ഒക്കെയായി വീട് നിറഞ്ഞ് നിൽക്കുന്ന കുടുംബം .
ഉഗാണ്ടയിൽ മൂസ ഹസഹ്യ എന്ന 68 വയസ്സുകാരന് 12 ഭാര്യമാരാണുള്ളത്. അടുത്തിടെ ഇന്ത്യ ആസ്ഥാനമായുള്ള ഒരു വ്ലോഗർ മൂസയെ അഭിമുഖം നടത്തി . അതിൽ അയാൾ പറഞ്ഞ കാര്യങ്ങളാണ് ഇപ്പോൾ വൈറലാകുന്നത് .
1972ല്‍ 17ാം വയസിലായിരുന്നു മൂസയുടെ ആദ്യവിവാഹം. കന്നുകാലിക്കച്ചവടത്തിലും മാംസകച്ചവടത്തിലും പേരെടുത്ത മൂസയില്‍ ആകൃഷ്ടരായ ഗ്രാമവാസികള്‍ തങ്ങളുടെ പെണ്‍മക്കളെ മൂസയ്‌ക്ക് വിവാഹം ചെയ്ത് നല്‍കാമെന്ന വാഗ്ദാനവുമായി മുന്നോട്ട് വന്നിരുന്നു
18ാം വയസിലാണ് മൂസയ്‌ക്ക് ആദ്യ കുഞ്ഞ് ജനിക്കുന്നത്. സാഡ്ര നബ്വിരേ എന്നാണ് മൂസ മൂത്ത മകള്‍ക്ക് നല്‍കിയ പേര്. ഇന്ന് 10 വയസ് മുതല്‍ 50 വയസ് വരെയുളള മക്കള്‍ മൂസ്യ്‌ക്ക് ഉണ്ട്.
‘ ഞാൻ പലപ്പോഴും കുട്ടികളുടെ പേരുകൾ മറക്കുന്നു. ഇപ്പോൾ വർഷങ്ങൾ കഴിയുന്തോറും വരുമാനവും കുറഞ്ഞു . ജീവിതച്ചെലവ് വർധിക്കുന്നതിനാൽ കുടുംബം പോറ്റാൻ ബുദ്ധിമുട്ടാണ് . ‘ അദ്ദേഹം പറഞ്ഞു.12 ഭാര്യമാരാണ് നിലവില്‍ 70കാരനായ മൂസയ്‌ക്കുളളത്. അതില്‍ തന്നെ 35വയസുകാരിയായ ഭാര്യയാണ് ഏറ്റവും അവസാനത്തേത്. 12 ഭാര്യമാരില്‍ നിന്നായി 120 മക്കളാണ് മൂസയ്‌ക്ക് പിറന്നത്. മക്കളുടെ മക്കള്‍ കൂടിയായപ്പോള്‍ കുടുംബം വീണ്ടും വളര്‍ന്നു. ഇപ്പോള്‍ 578 കൊച്ചുമക്കളുടെ മുത്തശ്ശന്‍ കൂടിയാണ് മൂസ.
മക്കള്‍ ജനിച്ച വര്‍ഷവും അവരുടെ പേരുകളും ഏത് ഭാര്യയില്‍ ജനിച്ച കുഞ്ഞുങ്ങളാണെന്നതടക്കമുളള കാര്യങ്ങള്‍ ഒരു നോട്ട്ബുക്കില്‍ കുറിച്ചുവച്ചിട്ടുണ്ട് മൂസ.തുടക്കത്തില്‍ വീണ്ടും വീണ്ടും വിവാഹം കഴിക്കുന്നത് തനിക്കൊരു തമാശയായിരുന്നെന്നും എന്നാല്‍ ഇപ്പോഴാണ് അതിന്റെ ഗൗരവം താന്‍ മനസിലാക്കുന്നതെന്നും മൂസ പറയുന്നു
