കോട്ടയം: മാനസികാരോഗ്യക്കുറവ് കുടുംബബന്ധങ്ങള്‍ ശിഥിലമാകുന്നതിന് കാരണമാകുന്നതായി സംസ്ഥാന വനിതാ കമ്മീഷനംഗങ്ങളായ അഡ്വ. ഇന്ദി രവീന്ദ്രനും വി.ആര്‍.മഹിളാമണിയും പറഞ്ഞു.
വനിതാ കമ്മീഷന്‍ സിറ്റിംഗിനുശേഷം സംസാരിക്കുകയായിരുന്നു അവര്‍. മാനസികാരോഗ്യം പ്രധാനമാണ്. പക്വതക്കുറവു മൂലം കുടുംബന്ധങ്ങളില്‍ വലിയ പ്രശ്നങ്ങള്‍ നേരിടുന്ന നിരവധി കേസുകള്‍ കമ്മീഷനു മുമ്പിലെത്തുന്നുവെന്നും കൗണ്‍സലിങ് അടക്കമുള്ളവയ്‌ക്ക് നിര്‍ദ്ദേശിക്കുന്നുണ്ടെന്നും അവര്‍ പറഞ്ഞു.
ഗാര്‍ഹികപീഡനം, തൊഴിലിടങ്ങളിലെ ഉപദ്രവം, അധിക്ഷേപങ്ങള്‍, മക്കള്‍ക്ക് സ്വത്ത് എഴുതിക്കൊടുത്തശേഷം സംരക്ഷണം ലഭിക്കാതിരിക്കല്‍ തുടങ്ങിയ വിഷയങ്ങളുമായി ബന്ധപ്പെട്ട കേസുകള്‍ കമ്മീഷനു മുമ്പിലെത്തി. ഒ.എല്‍.എക്സിലൂടെ ഫ്ളാറ്റ് വില്‍പ്പനയ്‌ക്ക് എന്ന പേരില്‍ പരസ്യം ചെയ്ത് 10 ലക്ഷം രൂപ തട്ടിയെടുത്ത കേസില്‍ പണം തട്ടിയയാളെ ഹാജരാക്കാന്‍ പൊലീസിന് നിര്‍ദ്ദേശം നല്‍കി. 70 കേസുകളാണ് കമ്മീഷന്‍ സിറ്റിങില്‍ പരിഗണിച്ചത്.
പക്വതക്കുറവും മാനസികാരോഗ്യമില്ലായ്മയും കുടുംബബന്ധങ്ങള്‍ ശിഥിലമാക്കുന്നുവെന്ന് വനിതാ കമ്മീഷന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: