കൊച്ചി:സഹയാത്രികയോട് ട്രെയിനില് വച്ച് അപമര്യാദയായി പെരുമാറിയ പൊലീസ് സര്ക്കിള് ഇന്സ്പെക്ടര്ക്കെതിരെ കേസെടുത്ത് റെയില്വേ പൊലീസ്. പാലക്കാട് അഗളി സ്വദേശി അബ്ദുല് ഹക്കീമിനെതിരെയാണ് കേസ് രജിസ്റ്റര് ചെയ്തത്.
യുവതിയെ കടന്നുപിടിച്ചെന്നാണ് പരാതി. കൊല്ലത്ത് നിന്ന് പാലരുവി എക്സ്പ്രസില് യാത്ര ചെയ്യവെയാണ് സംഭവം.
ട്രെയിന് എറണാകുളത്തെത്തിയപ്പോള് യുവതി തന്നെയാണ് ഇക്കാര്യം റെയില്വേ പൊലീസിനെ അറിയിച്ചത്. പ്രതിയുടെ ചിത്രവും അന്നുതന്നെ ഫോണില് എടുത്തു. തുടര്ന്ന് നടത്തിയ അന്വേഷണത്തിലാണ് പൊലീസ് ഉദ്യോഗസ്ഥനാണ് പ്രതിയെന്ന് തിരിച്ചറിഞ്ഞത്.
