തിരുവനന്തപുരം: കാട്ടാക്കട പൂവച്ചല്‍ ഹയര്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ തമ്മില്‍ തല്ലിയതിനെ തുടര്‍ന്ന് 18 വിദ്യാര്‍ത്ഥികളെ സ്‌കൂളില്‍ നിന്ന് പുറത്താക്കി. സ്‌കൂളിലെ 20 വിദ്യാര്‍ത്ഥികള്‍ക്കെതിരെ കാട്ടാക്കട പൊലീസ് കേസെടുത്തു.
സംഘര്‍ഷത്തെ തുടര്‍ന്ന് കാട്ടാക്കട പൊലീസ് സ്ഥലത്ത് ക്യാമ്പ് ചെയ്ത് വിദ്യാര്‍ത്ഥികളുടെ രക്ഷിതാക്കളുമായും സ്‌കൂളിലെ അധ്യാപകരുമായി ചര്‍ച്ച നടത്തിയിരുന്നു. ഇതിനുപിന്നാലെയാണ് വിദ്യാര്‍ത്ഥികളെ സസ്പന്‍ഡ് ചെയ്തത്.
വിദ്യാര്‍ത്ഥികളുടെ കയ്യാങ്കളി തടയാനായി ചെന്ന പ്രിന്‍സിപ്പാള്‍ പ്രിയയെ വിദ്യാര്‍ത്ഥികള്‍ കസേര ചുറ്റി അടിച്ചെന്നാണ് ആരോപണം. തലയ്‌ക്കു പരിക്കേറ്റ ഹയര്‍ സെക്കന്‍ഡറി പ്രിന്‍സിപ്പാളിനെ കാട്ടാക്കടയിലെ സ്വകാര്യ ആശുപത്രിയില്‍ പ്രവേശിപ്പിച്ചു. സമൂഹമാധ്യമങ്ങളിലെ കമന്റുകളെ ചൊല്ലിയുളള തര്‍ക്കമാണ് കയ്യാങ്കളിയില്‍ കലാശിച്ചത്.
ഇത്തരം സംഭവങ്ങള്‍ പതിവായി ഉണ്ടാകുന്നത് കാരണം രക്ഷിതാക്കളുടെയും കുട്ടികളുടെയും ഒരു യോഗം തിങ്കളാഴ്ച സ്‌കൂളില്‍ വിളിച്ചിരുന്നു.
ഈ യോഗത്തിനിടെ വീണ്ടും വിദ്യാര്‍ഥികള്‍ അക്രമസക്തരായി ബഹളം വെയ്‌ക്കുകയും സംഘര്‍ഷം ഉണ്ടാവുകയുമായിരുന്നു. ഇതിനിടെയാണ് രംഗം ശാന്തമാക്കാന്‍ ഇടപെട്ട സ്‌കൂള്‍ പ്രിന്‍സിപ്പാളിന് അടിയേറ്റത്.
പ്രതികരിക്കാൻ ഇവിടെ എഴുതുക