കോഴിക്കോട്: സന്തോഷ് ട്രോഫി ഫുട്ബോളില് ഗ്രൂപ്പ് എച്ചില് നിന്നും ജേതാക്കളായ കേരളം ഫൈനല്സിലേക്ക് യോഗ്യത നേടി. ഗ്രൂപ്പില് ഇന്നലെ നടന്ന മൂന്നാമത്തെയും അവസാനത്തെയും നിര്ണായക പോരാട്ടത്തില് പുതുച്ചേരിയെ എതിരില്ലാത്ത ഏഴ് ഗോളുകള്ക്കാണ് കേരളം തകര്ത്തത്.
ജയത്തോടെ പട്ടികയില് ഒമ്പത് പോയിന്റ് നേടിക്കൊണ്ട് കേരളം ഫൈനല്സ് ഉറപ്പിച്ചു. ആദ്യ പകുതിയില് പത്ത് മിനിറ്റിനിടെ മൂന്നും രണ്ടാം പകുതിയില് നാലും ഗോളുകള് നേടിയാണ് കേരളം ഇന്നലെ വിജയിച്ചത്.
ആദ്യപകുതിയില് പത്ത് മിനിറ്റിനിടെയാണ് കേരളം മൂന്ന് ഗോളുകളും നേടിയത്. മത്സരത്തിന്റെ 11-ാം നിഗം ജി. നേടിയ ഗോളില് കേരളം മുന്നിലെത്തി. മൂന്ന് മിനിറ്റിനകം റഹ്മാന് എന്. ലീഡ് ഇരട്ടിയാക്കി. 20-ാം മിനിറ്റില് സജീഷ് ഇ.എസിലൂടെ മൂന്നാം ഗോളും നേടി.
രണ്ടാം പകുതിയില് റഹ്മാനും(64) സജീഷും(67) മത്സരത്തിലെ തങ്ങളുടെ ഇരട്ടഗോള് നേടി. ക്രിസ്റ്റി(54), ഷിജിന് ടി.(71) എന്നിവരാണ് മറ്റ് സ്കോറര്മാര്.
പ്രാഥമിക റൗണ്ടിലെ മൂന്ന് മത്സരങ്ങളിലായി 18 ഗോളുകള് നേടിയ കേരളം ഒരെണ്ണം പോലും കണ്സീഡ് ചെയ്തിട്ടില്ല.
