കണ്ണൂര് : വനിതാ സിവില് പൊലീസ് ഓഫീസറെ വെട്ടിക്കൊന്ന ഭര്ത്താവ് പിടിയില്. കണ്ണൂര് പുതിയതെരുവ് ബാറില് നിന്നാണ് പ്രതി രാജേഷിനെ പൊലീസ് പിടികൂടിയത്.
കരിവെള്ളൂര് പലിയേരി സ്വദേശി ദിവ്യശ്രീ ആണ് കൊല്ലപ്പെട്ടത്. ദിവ്യശ്രീയുടെ ശരീരത്തില് പെട്രോള് ഒഴിച്ച ശേഷമാണ് പ്രതി വെട്ടിക്കൊലപ്പെടുത്തിയത്.
വ്യാഴാഴ്ച വൈകിട്ടാണ് കൊലപാതകം നടന്നത്. കാസര്ഗോഡ് ചന്തേര പൊലീസ് സ്റ്റേഷനിലെ സിപിഒ ആണ് ദിവ്യശ്രീ. വെട്ടേറ്റ ദിവ്യശ്രീയെ പയ്യന്നൂരിലെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കുടുംബപ്രശ്നങ്ങളാണ് കൊലപാതകത്തിന് കാരണം. കുറേനാളായി ഇരുവരും അകന്നുകഴിയുകയായിരുന്നു.
ദിവ്യശ്രീയുടെ വീട്ടിലെത്തിയാണ് രാജേഷ് കൊടുവാള് ഉപയോഗിച്ചു വെട്ടിയത്. തടയാന് ശ്രമിച്ച പിതാവിനും വെട്ടേറ്റിട്ടുണ്ട്. ബഹളം കേട്ട് നാട്ടുകാര് ഓടിയെത്തിയപ്പോള് രാജേഷ് ഓടിരക്ഷപ്പെടുകയായിരുന്നു.ഓട്ടോറിക്ഷാ ഡ്രൈവറാണ് ഇയാള്.വ്യാഴാഴ്ച ശബരിമല ഡ്യൂട്ടിക്കായി പത്തനംതിട്ടയിലേക്ക് പോകാനിരിക്കവെയാണ് ദിവ്യശ്രീ കൊല്ലപ്പെട്ടത്.
