പാലക്കാട് ; രാഹുൽ മാങ്കൂട്ടത്തിലിനെതിരെ രൂക്ഷവിമർശനവുമായി ബിജെപി നേതാവ് പദ്മജാ വേണുഗോപാൽ. ഒരാളെയും രാഷ്‌ട്രീയത്തിന്റെയോ, മതത്തിന്റെയോ ചട്ടക്കൂടിൽ കാണാത്ത തന്റെ അമ്മയെ അപമാനിച്ചയാളാണ് രാഹുൽ . അന്ന് ആരുമുണ്ടായില്ല അതിനെ എതിർക്കാൻ . ഒരു കോൺഗ്രസുകാരനും അത് തടഞ്ഞില്ലെന്നും പദ്മജ ഫെയ്സ്ബുക്ക് വീഡിയോയിൽ പറഞ്ഞു.
ഇന്നലെ വന്ന പയ്യൻ എന്റെ അമ്മയ്‌ക്കെതിരെ പറഞ്ഞപ്പോൾ ഒരു കോൺഗ്രസ് നേതാവും എതിർത്തില്ല. ആകെ എന്തെങ്കിലും പറഞ്ഞത് രമേശ് ചെന്നിത്തല മാത്രമാണ്. എന്റെ അമ്മ എല്ലാവരുടെയും അമ്മയായിരുന്നു. മാർക്സിസ്റ്റ് പാർട്ടി ആണെങ്കിലും അമ്മയ്‌ക്കെതിരെ പറഞ്ഞിട്ടില്ല.അവരെല്ലാം സ്നേഹിക്കുകയും ബഹുമാനിക്കുകയും ചെയ്ത വ്യക്തിയായിരുന്നു എന്റെ അമ്മ. അവർക്ക് ഏതെങ്കിലും പാ‍ർട്ടിയോടോ മതത്തോടോ ജാതിയോടോ കൂടുതൽ അടുപ്പം ഉണ്ടായിരുന്നില്ല .
അങ്ങനെയുള്ള അമ്മയെക്കുറിച്ച് രാഹുൽ മാങ്കൂട്ടത്തിൽ ഇത്രമോശമായി സംസാരിക്കുമ്പോൾ മകളെന്ന നിലയിൽ എന്റെ നെഞ്ചുപൊട്ടുകയാണ്.ഇത്രയൊക്കെയായിട്ടും മാപ്പ് പറയാൻ പോലും അയാൾക്ക് തോന്നിയിട്ടില്ല . ”പറ്റിപ്പോയി ചേച്ചീ” എന്നൊന്ന് പറയാൻ ഇതുവരെ അയാൾ തയ്യാറായില്ല. ഇത്രയും അഹങ്കാരമുള്ള ഒരാളെയാണോ പാലക്കാട് എംഎൽഎ ആയി വേണ്ടത്? പദ്മജ ചോദിച്ചു.
പ്രതികരിക്കാൻ ഇവിടെ എഴുതുക