ഹിസാർ : വഴക്ക് പറഞ്ഞ അദ്ധ്യാപികയെ ബോംബ് പൊട്ടിച്ച് കൊല്ലാൻ ശ്രമിച്ച് സ്കൂൾ വിദ്യാർത്ഥികൾ . ഹരിയാനയിലെ ഹിസാറിലെ സ്‌കൂളിലാണ് സംഭവം. 13 പേരടങ്ങുന്ന വിദ്യാർത്ഥീ സംഘമാണ് സയൻസ് ടീച്ചറെ കൊല്ലാൻ ശ്രമിച്ചത് .
ദിവസങ്ങൾക്ക് മുൻപ് അദ്ധ്യാപിക ഈ വിദ്യാർത്ഥികളെ ശാസിച്ചിരുന്നു. ഇതാണ് പ്രകോപനത്തിനിടയാക്കിയത് .ഇതേതുടർന്ന് അദ്ധ്യാപികയോട് പ്രതികാരം ചെയ്യാൻ ഇവർ തീരുമാനിക്കുകയായിരുന്നു . ബോംബ് പൊട്ടിച്ച് കൊലപ്പെടുത്താനാണ് ആലോചിച്ചത്. യൂട്യൂബിൽ നിന്ന് ബോംബ് ഉണ്ടാക്കുന്നത് എങ്ങനെയെന്ന് പഠിക്കുകയും, പരിശീലിക്കുകയും ചെയ്തു.
സയൻസ് ടീച്ചറുടെ കസേരയ്‌ക്ക് താഴെയാണ് ബോംബ് ഘടിപ്പിച്ചത്.പിന്നീട് അദ്ധ്യാപിക ക്ലാസിലെത്തിയ ഉടൻ റിമോട്ട് കൺട്രോൾ ഉപയോഗിച്ച് ബോംബ് പൊട്ടിച്ചു. ബോംബിന് അത്ര തീവ്രതയില്ലാത്തതിനാൽ ഗുരുതര അപകടങ്ങൾ ഒന്നും ഉണ്ടായില്ല . കുറ്റാരോപിതരായ വിദ്യാർത്ഥികളെ ഒരാഴ്ചത്തേക്ക് സസ്പെൻഡ് ചെയ്തു.
പ്രതികരിക്കാൻ ഇവിടെ എഴുതുക