മുംബൈ: മഹാരാഷ്ട്രിലെ ഓരോ മറാത്തി സ്ത്രീയുടെയും മുഖത്ത് താന് പുഞ്ചിരി കാണുന്നുവെന്ന് ബിജെപി നേതാവ് പൂനം മഹാജന്. മഹാരാഷ്ട്ര നിയമസഭാ തെരഞ്ഞെടുപ്പിനോടനുബന്ധിച്ച് മാധ്യമങ്ങള്ക്ക് നല്കിയ അഭിമുഖത്തിലാണ് പൂനം മഹാജന്റെ ഈ വെളിപ്പെടുത്തല്.
“രണ്ടരലക്ഷത്തില് താഴെ വാര്ഷിക വരുമാനമുള്ള വീടുകളിലെ 21 മുതല് 65 വയസ്സുവരെയുള്ള സ്ത്രീകള്ക്കാണ് 1500 രൂപ വീതം ബിജെപി-ഷിന്ഡേ-എന്സിപി സഖ്യത്തിലുള്ള മഹായുതി സര്ക്കാര് പെന്ഷന് നല്കുന്നത്. ‘മുഖ്യമന്ത്രി ലഡ് കി ബഹിന് യോജന’ എന്ന പദ്ധതിയുടെ പേരില് കഴിഞ്ഞ രണ്ട് മാസമായി പെന്ഷന് നല്കുന്നു. ഇപ്പോള് മഹാരാഷ്ട്രയിലെ ഓരോ സ്ത്രീയുടെയും മുഖത്ത് ചിരി കാണുന്നുണ്ട്”- ബിജെപി നേതാവ് പൂനം മഹാജന് പറയുന്നു.
“കോണ്ഗ്രസിന്റെ വ്യാജപ്രചാരണങ്ങളാണ് ബിജെപിയുടെ വോട്ട് നഷ്ടപ്പെടുത്തുന്നത്. ബാബാ അംബേദ്കറെ പിടിച്ചാണ് ബിജെപി ഭരണഘടന എടുത്തുകളയുമെന്ന് വ്യാജപ്രചാരണം അഴിച്ചുവിട്ടത്. ബിജെപിയ്ക്ക് ഏറ്റവും ബഹുമാനമുള്ള ആളാണ് ബാബാ അംബേദ്കര്. അദ്ദേഹമാണ് നമുക്ക് ചിന്തിക്കാനുള്ള സ്വാതന്ത്ര്യം നല്കിയത്. അത് ഇനി ഉണ്ടാവില്ല. കോണ്ഗ്രസ് കഴിഞ്ഞ തെരഞ്ഞെടുപ്പ് കാലത്ത് മഹാരാഷ്ട്രയില് നടത്തിയത് വ്യാജപ്രചാരണം ആയിരുന്നുവെന്ന് ജനങ്ങള് തന്നെ മനസ്സിലാക്കി. പ്രസംഗിക്കാന് പോകുന്നിടത്തെല്ലാം യുവാക്കള് തന്നെ പറയുന്നു, സഹോദരീ, കോണ്ഗ്രസ് നടത്തിയത് വ്യാജപ്രചാരണമാണെന്ന് തെളിഞ്ഞു എന്നാണ്”- പൂനം മഹാജന് പറഞ്ഞു.
കോണ്ഗ്രസും രാഹുല് ഗാന്ധിയും എപ്പോഴും പറയുന്നതാണ് സ്നേഹത്തിന്റെ കട എന്നത്. പക്ഷെ കോണ്ഗ്രസ് തുറന്നത് സ്നേഹത്തിന്റെ കടയല്ല, പകരം കള്ളപ്രചാരണത്തിന്റെ കടയാണ്. ആ കട ഇക്കുറി പൂട്ടം. – പൂനം മഹാജന് പറയുന്നു.
